ଭୁବନେଶ୍ୱର: ବକ୍ସ ଅଫିସରେ ଧମାଲ କରୁଛି ତେଲୁଗୁ ଚଳଚ୍ଚିତ୍ର ‘ପୁଷ୍ପା: ଦି ରାଇଜ୍’ । ମିଡିଆ ରିପୋର୍ଟ ଅନୁଯାୟୀ, ଏପର୍ଯ୍ୟନ୍ତ ଏହି ଚଳଚ୍ଚିତ୍ର ୩୦୦ କୋଟିରୁ ଅଧିକ ଟଙ୍କା ସଂଗ୍ରହ କରିଛି। ତେବେ ଏହି ଚଳଚ୍ଚିତ୍ରରେ କାମ କରୁଥିବା ଷ୍ଟାର କାଷ୍ଟକୁ କେତେ ଫିସ୍ ଦିଆଯାଇଛି ?
‘ପୁଷ୍ପା: ଦି ରାଇଜ୍’ ରେ ଅଭିନେତା ଅଲୁ ଅର୍ଜୁନ ପୁଷ୍ପା ରାଜ ନାମକ ଜଣେ ବ୍ୟକ୍ତିଙ୍କ ଭୂମିକାରେ ଅଭିନୟ କରିଛନ୍ତି। ଜାତୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ପୁଷ୍ପା ଫିଲ୍ମ ପାଇଁ ଅଲୁ ଅର୍ଜୁନଙ୍କୁ ପ୍ରାୟ ୫୦ କୋଟି ଟଙ୍କାର ଅଫର ଦିଆଯାଇଥିଲା। ଅଭିନେତ୍ରୀ ରଶ୍ମିକା ମନ୍ଦନାଙ୍କୁ ୮ ରୁ ୧୦ କୋଟି ଅଫର ଦିଆଯାଇଥିଲା।
ଏହି ଚଳଚ୍ଚିତ୍ରର ଏକ ଆଇଟମ୍ ଗୀତ ରେ ନଜର ଆସିଥିଲେ ଅଭିନେତ୍ରୀ Samantha Ruth Prabhu । ଏହି ଗୀତ ପାଇଁ ତାଙ୍କୁ ୨ କୋଟି ଟଙ୍କା ପ୍ରଦାନ କରାଯାଇଥିଲା।
ସେହିପରି ଏହି ଚଳଚ୍ଚିତ୍ରରେ ଆଇପିଏସ୍ ଅଧିକାରୀ ଭାନୱର ସିଂ ଶେଖୱାତଙ୍କ ଭୂମିକାରେ ନଜର ଆସିଥିଲେ ଫାହାଦ୍ ଫସିଲ୍ । ତାଙ୍କୁ ଏହି ଚଳଚ୍ଚିତ୍ର ପାଇଁ ୩-୪ କୋଟି ଟଙ୍କା ମିଳିଛି।
