ଭୁବନେଶ୍ୱର: ବିଭିନ୍ନ ଉପାୟରେ ଲୋକମାନେ ଟଙ୍କା ରୋଜଗାର କରୁଛନ୍ତି । କିଏ ପରିଶ୍ରମ କରି ଟଙ୍କା ରୋଜଗାର କରୁଛି ତ ଆଉ କିଏ ନିଜ ଜ୍ଞାନ ବଳରେ ଟଙ୍କା ରୋଜଗାର କରୁଛି । କିନ୍ତୁ ଆପଣ କେବେ ଶୁଣିଛନ୍ତି କି ମଣିଷ ତାର ପରିସ୍ରାକୁ ବିକ୍ରି କରି ଟଙ୍କା ରୋଜଗାର କରିପାରିବ ବୋଲି ? ହେଲେ ଏହି କଥାରେ ସତ୍ୟତା ରହିଛି, ଜଣେ ମଡେଲ୍ ଏହି କାମ କରୁଛନ୍ତି। ତେବେ ଆସନ୍ତୁ ଜାଣିବା ଲୋକମାନେ କାହିଁକି ତାଙ୍କର ପରିସ୍ରା କିଣିବାକୁ ଏତେ ପସନ୍ଦ କରୁଛନ୍ତି ।
ଜାତୀୟ ଗଣମାଧ୍ୟମ ଦୈନିକ ଷ୍ଟାରର (Daily Star) ରିପୋର୍ଟ ଅନୁଯାୟୀ, କାକଟସ୍ କୁଟି ନାମକ ଜଣେ ମଡେଲ୍ ତାଙ୍କ ପରିସ୍ରାକୁ ଅନଲାଇନରେ ବିକ୍ରୟ କରି ଟଙ୍କା ରୋଜଗାର କରିଥାନ୍ତି । ତାଙ୍କର ଏକ ମେଡିକାଲ୍ କପ୍ ପରିସ୍ରାର ମୂଲ୍ୟ ହଜାରେ ଟଙ୍କା ରହିଛି।
ଫ୍ୟାନ୍ସ ନାମକ ଏକ ସାଇଟରେ କାକଟସ୍ କୁଟି (Kactus Kutie) ୨୦୧୬ ରେ ଏହି ଅଜବ ବ୍ୟବସାୟ ଆରମ୍ଭ କରିଥିଲେ । ୧୦ ମିନିଟ୍ ଧରି ପରିସ୍ରା କରିବାର ଏକ ଭିଡିଓ ତାଙ୍କ ପ୍ରଶଂସକଙ୍କ ପାଇଁ ପ୍ରସ୍ତୁତ କରିଥିଲେ । ଫଟୋଗ୍ରାଫର ଭାବରେ କାର୍ଯ୍ୟ କରୁଥିବା କାକଟସ୍ ନିଜେ କୁହନ୍ତି ଯେ ତାଙ୍କର ଏହି ଭିଡିଓକୁ ଲୋକେ ଖୁବ ପସନ୍ଦ କରିଥିଲେ । ତାଙ୍କର ପ୍ରଶଂସକମାନେ ଆଶ୍ଚର୍ଯ୍ୟ ହୁଅନ୍ତି କି ଜଣେ ମନୁଷ୍ୟ କିପରି ୧୦ ମିନିଟ୍ ଧରି ପରିସ୍ରା କରିପାରୁଛି ? ତାଙ୍କର ଏହି କଳା ପାଇଁ ପ୍ରଶଂସକମାନେ ତାଙ୍କର ପରିସ୍ରାକୁ ଶକ୍ତିଶାଳୀ ଭାବି କିଣୁଛନ୍ତି ।
ଏହାକୁ ବିକ୍ରି କରିବା ପାଇଁ କାକଟସ୍ ଗ୍ରୋଟୋସ୍ ମେଡିକାଲ୍ କପ୍ ବ୍ୟବହାର କରନ୍ତି । କାକଟସ୍ କହିଛନ୍ତି ଯେ ତାଙ୍କ ପରିସ୍ରା gold liquid ପରି, ତେଣୁ ସେ ଏହାକୁ ବିକ୍ରି କରି ଏତେ ଟଙ୍କା ରୋଜଗାର କରିବାରେ ସକ୍ଷମ ହେଉଛନ୍ତି ।
