ଭୁବନେଶ୍ୱର: ଆଜି ଆମେ ଆପଣଙ୍କୁ ଏମିତି ଜଣେ ଝିଅଙ୍କ ବିଷୟରେ କହିବାକୁ ଯାଉଛୁ , ଯିଏ ମାତ୍ର ୭ ବର୍ଷ ବୟସରେ ନିଜ ଦକ୍ଷତା ସହିତ ୟୁଟ୍ୟୁବରୁ ଏକ ମାସରେ ଏକ କୋଟିରୁ ଅଧିକ ଟଙ୍କା ରୋଜଗାର କରିଛନ୍ତି । ଯେଉଁ ବୟସରେ ପାଠ ପଢିବା କଥା ,ସାଙ୍ଗମାନଙ୍କ ସହ ଖେଳିବା କଥା ସେହି ବୟସରେ ସେ ଆଜି ଦୁନିଆର ସବୁଠାରୁ ବଡ ୟୁଟ୍ୟୁବ୍ ତାରକାମାନଙ୍କ ସହିତ ଯୋଡି ହୋଇଛନ୍ତି ।
ଏହି କୁନି ଝିଅ ଜଣକ ହେଉଛନ୍ତି ରୁଷ ନିବାସୀ ଆନାସ୍ତାସିଆ ରାଡଜିନସ୍କାୟା ( anastasia radzinskaya ) । ସେ ୟୁଟ୍ୟୁବ୍ ରୁ ପ୍ରାୟ ଗୋଟିଏ ମାସରେ ୧ କୋଟି ୨୧ ଲକ୍ଷ ଟଙ୍କା ରୋଜଗାର କରିଛନ୍ତି । Like Nastya ନାମକ ତାଙ୍କ ୟୁଟ୍ୟୁବ୍ ଚ୍ୟାନେଲରେ ସେ ଛୁଟିଦିନର ଭିଡିଓ ଏବଂ ବ୍ଲଗିଂ ଭିଡିଓ ସେୟାର କରନ୍ତି ଏବଂ ଏଥିରୁ ମୋଟା ଅଙ୍କର ଟଙ୍କା ରୋଜଗାର କରନ୍ତି । ଯେଉଁଥିପାଇଁ ଝିଅଟି ଏବେ ସୋସିଆଲ ମିଡିଆରେ ଅଧିକ ଲୋକପ୍ରିୟ ହୋଇପାରିଛନ୍ତି।
ଆନାସ୍ତାସିଆଙ୍କ ୟୁଟ୍ୟୁବ୍ ଚ୍ୟାନେଲକୁ ୨୫୦ ମିଲିୟନ ଲୋକ ଅନୁସରଣ କରନ୍ତି । ଏଥିପାଇଁ ସେ କେବଳ ୟୁଟ୍ୟୁବରୁ ପ୍ରତିବର୍ଷ ୨ ବିଲିୟନ ରୋଜଗାର କରିଥାନ୍ତି ।
ବର୍ତ୍ତମାନ ସେ ନିଜ ଚ୍ୟାନେଲରେ ବିଭିନ୍ନ ପ୍ରକାରର ବିଷୟବସ୍ତୁ ରଖିବାରେ ଲାଗିଛନ୍ତି, ଯେଉଁଥିରୁ ଅନ୍ୟ ପିଲାମାନେ ମଧ୍ୟ ଅନୁପ୍ରାଣିତ ହୁଅନ୍ତି ଏବଂ ଶିଖନ୍ତି । ବର୍ତ୍ତମାନ ଆନାସ୍ତାସିଆ ରାଡଜିନସ୍କାୟା ସାରା ବିଶ୍ୱରେ ପିଲାମାନଙ୍କ ପାଇଁ ଏକ ଜଣାଶୁଣା ନାମ ପାଲଟିଛନ୍ତି ।
