ଭୁବନେଶ୍ୱର: ନ୍ୟୁଜ୍ ଏଜେନ୍ସି ANI ଏକ ଟୁଇଟ୍ ମାଧ୍ୟମରେ ସୂଚନା ଦେଇଛି ଯେ ଖୁବ ଶୀଘ୍ର ଭାରତ ସରକାର ୫୪ ଟି ଚାଇନିଜ୍ ଆପ୍ ଉପରେ ପ୍ରତିବନ୍ଧକ ଲଗାଇବାକୁ ଯାଉଛନ୍ତି। ସରକାର ଅନୁଭବ କରୁଛନ୍ତି ଯେ ଏହି ଆପଗୁଡ଼ିକ ଦେଶର ସୁରକ୍ଷା ପ୍ରତି ବିପଦ ସୃଷ୍ଟି କରିପାରେ ଏବଂ ତେଣୁ ସେମାନଙ୍କୁ ଶୀଘ୍ର ନିଷିଦ୍ଧ କରିବାକୁ ନିର୍ଦ୍ଦେଶ ଦିଆଯିବ। ଏହି ଆପଗୁଡ଼ିକରେ ଆପଲକ୍ ଏବଂ ଗାରେନା ଫ୍ରି ଫାୟାର ପରି ଅନେକ ଲୋକପ୍ରିୟ ଆପ୍ ରହିଛି ।
ସରକାର ୫୪ ଟି ଚାଇନିଜ୍ ଆପ୍ ଉପରେ ପ୍ରତିବନ୍ଧକ ଲଗାଉଛନ୍ତି। ଏହା ପଛର କାରଣ ଦେଶର ସୁରକ୍ଷା ସହ ଜଡିତ ବୋଲି କୁହାଯାଉଛି। ସରକାର ବିଶ୍ୱାସ କରନ୍ତି ଯେ ଚୀନ୍ ଏବଂ ଭାରତ ମଧ୍ୟରେ ଥିବା କଠିନ ପରିସ୍ଥିତିରେ ଏହି ୫୪ ଟି ଚାଇନିଜ୍ ଆପ୍ ଦେଶର ସୁରକ୍ଷା ପ୍ରତି ବିପଦ ହୋଇପାରେ ଏବଂ ତେଣୁ ଏହାକୁ ନିଷିଦ୍ଧ କରିବା ଆବଶ୍ୟକ।
ବର୍ତ୍ତମାନ ସରକାର ଯେଉଁସବୁ ଆପ୍ ଉପରେ ପ୍ରତିବନ୍ଧକ ଲଗାଉଛନ୍ତି ତାହାର ସଂପୂର୍ଣ୍ଣ ତାଲିକା ପ୍ରକାଶ ପାଇନାହିଁ, କିନ୍ତୁ ଯେଉଁ ନାମ ଆସିଛି ତାହା ମଧ୍ୟରେ ରହିଛି ବିଉଟି କ୍ୟାମେରା, ସୁଇଟ ସେଲଫି HD, ବିଉଟି କ୍ୟାମେରା, ସେଲଫି କ୍ୟାମେରା, ଇକ୍ୱାଲାଇଜର୍ ଏବଂ ବେସ୍ ବୁଷ୍ଟର୍,ଭିଭା ଭିଡିଓ ଏଡିଟର୍, ଟେନ୍ସେଣ୍ଟ XRiver, ଆପ୍ଲକ୍ ଏବଂ ଡୁଆଲ୍ ସ୍ପେସ୍ ଲାଇଟ୍ ଅନ୍ତର୍ଭୁକ୍ତ।
୨୦୨୦ ପୂର୍ବରୁ ମଧ୍ୟ ମୋଟ ୨୭୦ ଟି ଆପ୍ ଉପରେ ପ୍ରତିବନ୍ଧକ ଲଗାଯାଇଥିଲା। ଏହି ଆପଗୁଡିକ ଆଇଟି ଆକ୍ଟର ଧାରା 69A ଅନୁଯାୟୀ ନିଷେଧ କରାଯାଇଛି ।
