ଭୁବନେଶ୍ୱର : ନନ୍ଦନକାନନ ଚିଡିଆଖାନାରେ ଆଖି ବୁଜିଲା ସିଂହୀ ଗଙ୍ଗା। ପ୍ରାଣୀ ଉଦ୍ୟାନର ୩୦ ନମ୍ବର ଖୁଆଡ଼ରେ ରହୁଥିବା ସିଂହୀ ଗଙ୍ଗା ଶନିବାର ସକାଳେ ସେ ଅସୁସ୍ଥ ହୋଇପଡ଼ିଥିଲା। ଚିକିତ୍ସାଧୀନ ଅବସ୍ଥାରେ ସିଂହୀର ମୃତ୍ୟୁ ହୋଇଥିବା ଜଣାପଡିଛି । ତେବେ ସିଂହୀ ଗଙ୍ଗା ରହୁଥିବା ଖୁଆଡ଼ରୁ ଏକ ବିଷଧର ଚିତି ସାପକୁ ଉଦ୍ଧାର କରାଯାଇଛି । ଶବ ବ୍ୟବଚ୍ଛେଦ ରିପୋର୍ଟ ଆସିଲା ପରେ ସ୍ପଷ୍ଟ ହେବ ଯେ ସିଂହୀର ମୃତ୍ୟୁ ସାପ କାମୁଡ଼ାରେ ହୋଇଛି ନା ଆଉ କେଉଁ କାରଣରୁ। ଗଙ୍ଗାର ମୃତ୍ୟୁ ପରେ ନନ୍ଦନକାନନରେ ସିଂହୀଙ୍କ ସଂଖ୍ୟା ୧୬ ରେ ପହଞ୍ଚିଛି। ୨୦୧୫ ରେ ଇସ୍ରାଇଲରୁ ସିଂହୀ ଗଙ୍ଗାକୁ ନନ୍ଦନକାନନ ଚିଡିଆଖାନାକୁ ଅଣାଯାଇଥିଲା।
