ଏ ହେଉଛି ଦୁନିଆର ସର୍ବାଧିକ ଆୟ କରିଥିବା ଫିଲ୍ମ, ତାଲିକାର ପ୍ରଥମରେ ରହିଛି ‘ଅବତାର’

ଭୁବନେଶ୍ୱର: ଭାରତରେ ମୁକ୍ତିଲାଭ ଦିନ ‘ଅବତାର’ ବକ୍ସ ଅଫିସରେ ପ୍ରାୟ ୪୦ କୋଟି ଟଙ୍କା ସଂଗ୍ରହ କରିଥିଲା, କିନ୍ତୁ ପ୍ରଥମ ଦିନର ଆୟ ଦୃଷ୍ଟିରୁ ଏହା ‘ଆଭେଞ୍ଜର୍ସ: ଏଣ୍ଡଗେମ୍’କୁ କାଟି ପାରିନଥିଲା, ଯାହା ବିଶ୍ୱର ସଂଗ୍ରହ କ୍ଷେତ୍ରରେ ଦ୍ୱିତୀୟ ସ୍ଥାନରେ ରହିଛି। କିନ୍ତୁ, ପ୍ରଥମ ସ୍ଥାନରେ ରହିଛି ଜେମ୍ସ କାମେରୋନଙ୍କ ‘ଅବତାର’ ମୁଭି। ଆସନ୍ତୁ ଜାଣିବା ଦୁନିଆର ସର୍ବାଧିକ ଆୟ କରିଥିବା ଚଳଚ୍ଚିତ୍ର ବିଷୟରେ।

ଅବତାର: ଯେତେବେଳେ ୨୦୦୯ ରେ ଜେମ୍ସ କାମେରୋନଙ୍କ ‘ଅବତାର’ ରିଲିଜ୍ ହୋଇଥିଲା, ସେତେବେଳେ ଏହି ଫିଲ୍ମ ଦର୍ଶକଙ୍କୁ ଆଶ୍ଚର୍ଯ୍ୟ କରିଥିଲା। ମିଡିଆ ରିପୋର୍ଟ ଅନୁଯାୟୀ, ‘ଅବତାର’ ସାରା ବିଶ୍ୱରେ ୨୪୧ ବିଲିୟନରୁ ଅଧିକ ଟଙ୍କା ସଂଗ୍ରହ କରିଛି।

ଆଭେଞ୍ଜର୍ସ: ଏଣ୍ଡଗେମ୍ – ଆଭେଞ୍ଜର୍ସ ଫ୍ରାଞ୍ଚାଇଜ୍ ର ୨୦୧୯ ରେ ବକ୍ସ ଅଫିସରେ ଏକ ଆଲୋଡ଼ନ ସୃଷ୍ଟି କରିଥିଲା। ମିଡିଆ ରିପୋର୍ଟ ଅନୁଯାୟୀ, ‘ଆଭେଞ୍ଜର୍ସ: ଏଣ୍ଡଗେମ୍’ ସାରା ବିଶ୍ୱରେ ୨୩୧ ବିଲିୟନରୁ ଅଧିକ ଆୟ କରିଥିଲା।

ଟାଇଟାନିକ୍: ରିଲିଜ୍ ହେବାର ପ୍ରାୟ ୨୪ ବର୍ଷ ପରେ ମଧ୍ୟ ସିନେମା ଜଗତରେ ଜେମ୍ସ କାମେରୋନଙ୍କ ‘ଟାଇଟାନିକ୍’ ବିଶେଷ ଗୁରୁତ୍ୱ ବହନ କରିଥିଲା। ଗଣମାଧ୍ୟମ ରିପୋର୍ଟ ଅନୁଯାୟୀ, ‘ଟାଇଟାନିକ୍’ର ସଂଗ୍ରହ ୧୮୨ ବିଲିୟନରୁ ଅଧିକ ଅଟେ।

ଷ୍ଟାର୍ ୱାର୍ସ: ଏହି ଚଳଚ୍ଚିତ୍ର ୨୦୧୫ ମସିହାରେ ଆସିଥିଲା। ‘ଷ୍ଟାର୍ ୱାର୍ସ: ଏପିସୋଡ୍ VII ‘ ର ସର୍ବଭାରତୀୟ ସଂଗ୍ରହ ୧୭୧ ବିଲିୟନ ଟଙ୍କା ଅତିକ୍ରମ କରିଥିଲା।

ଆଭେଞ୍ଜର୍ସ: ମିଡିଆ ରିପୋର୍ଟ ଅନୁଯାୟୀ, ‘ଆଭେଞ୍ଜର୍ସ: ଇନଫିନିଟି ୱାର୍’ ସାରା ବିଶ୍ୱରେ ୧୬୯ ବିଲିୟନରୁ ଅଧିକ ଆୟ କରିବାରେ ସଫଳ ହୋଇଥିଲା ।

ସ୍ପାଇଡର୍-ମ୍ୟାନ୍: ମିଡିଆ ରିପୋର୍ଟ ଅନୁଯାୟୀ, ‘ସ୍ପାଇଡର୍-ମ୍ୟାନ୍: ନୋ ୱେ ହୋମ୍’ ସାରା ବିଶ୍ୱରେ ପ୍ରାୟ ୧୫୮ ବିଲିୟନ ଟଙ୍କା ରୋଜଗାର କରିଥିଲା।

ଜୁରାସିକ୍ ୱାର୍ଲ୍ଡ: ମିଡିଆ ରିପୋର୍ଟ ଅନୁଯାୟୀ,’ଜୁରାସିକ୍ ୱାର୍ଲ୍ଡ’ ସାରା ବିଶ୍ୱରେ ୧୩୮ ବିଲିୟନରୁ ଅଧିକ ଆୟ କରିଥିଲା।

ଦି ଲାୟନ କିଙ୍ଗ: ମିଡିଆ ରିପୋର୍ଟ ଅନୁଯାୟୀ,’ଦି ଲାୟନ କିଙ୍ଗ’ ସାରା ବିଶ୍ୱରେ ୧୩୭ ବିଲିୟନରୁ ଅଧିକ ଟଙ୍କା ସଂଗ୍ରହ କରିଛି।