ଭୁବନେଶ୍ୱର: ବାହୁବଲୀ ପରେ ‘ଆରଆରଆର’ ଭାରତୀୟ ସିନେମାରେ ନିର୍ମିତ ସର୍ବୋତ୍ତମ ଚଳଚ୍ଚିତ୍ର ମଧ୍ୟରୁ ଅନ୍ୟତମ। ଏହାର ସୁନ୍ଦର ଭିଜୁଆଲ୍ ଏବଂ କାନଭାସ୍ ଯୋଗୁଁ ନିର୍ମାତାମାନେ ଫିଲ୍ମର ସୁଟିଂ ପାଇଁ ୨ ବର୍ଷରୁ ଅଧିକ ସମୟ ନେଇଥିଲେ। ଚଳଚ୍ଚିତ୍ରର ଚିତ୍ରକରଣକୁ ଖୁବ ପ୍ରଶଂସା କରାଯାଉଛି ଏବଂ ଏହାର ଆକ୍ସନ୍ କ୍ରମ (RRR BTS VIDEO) ମଧ୍ୟ ଆଶ୍ଚର୍ଯ୍ୟଜନକ ଅଟେ ଯାହା ହଲିଉଡ ଭଳି । ତେବେ ଏହି ଫିଲ୍ମରେ ଅଭିନେତା ରାମ ଚରଣଙ୍କ ଗୋଟିଏ ସିନ ପାଇଁ ପ୍ରାୟ ୧୬ କୋଟି ଖର୍ଚ୍ଚ ହୋଇଥିଲା ।
ଏହି ଭିଡିଓରେ ଆପଣ ଦେଖିବାକୁ ପାଇବେ ଯେ, ବ୍ରିଟିଶ ଅଧିକାରୀଙ୍କ ବିରୁଦ୍ଧରେ ଗାଁ ଲୋକେ ପୋଲିସ୍ ଷ୍ଟେସନ ସମ୍ମୁଖରେ ପ୍ରତିବାଦ କରୁଛନ୍ତି, ଆଉ ଭିଡ଼କୁ ନିୟନ୍ତ୍ରଣ କରିବା ପାଇଁ ପୋଲିସ୍ ଭୂମିକାରେ ଅଭିନୟ କରୁଥିବା ରାମ ଚରଣ ସେମାନଙ୍କ ସହ ଫାଇଟ କରୁଛନ୍ତି । ଏହି ଦୃଶ୍ୟରେ, ରାମ ଚରଣ ଜଣେ ସର୍ଦ୍ଦାରଙ୍କ ପାଇଁ ନିଜ ଜୀବନକୁ ବିପଦରେ ପକାନ୍ତି, ଯିଏ ବ୍ରିଟିଶମାନଙ୍କ ବିରୋଧରେ ବିରୋଧ ପ୍ରଦର୍ଶନ କରିଥିଲେ।
କୁହାଯାଏ ଯେ ରାମ ଚରଣଙ୍କ ଏହି ସିନ ପାଇଁ ଦିନେ କି ଦୁଇ ଦିନ ନୁହେଁ ବରଂ ୩୨ ଦିନ ସମୟ ଲାଗିଗଲା । ସୁଟିଂ ପାଇଁ ପ୍ରାୟ ୧୬ କୋଟି ଖର୍ଚ୍ଚ ହୋଇଥିଲା ବୋଲି କୁହାଯାଉଛି ।
