ଖିଲାଡୀ ଷ୍ଟାର ଅକ୍ଷୟ କୁମାର ସବୁ ବେଳେ ଭିନ୍ନ ଭିନ୍ନ ଚରିତ୍ରରେ ଦେଖାଦେଇ ଦର୍ଶକମାନଙ୍କ ହୃଦୟରେ ରାଜ କରୁଛନ୍ତି | ତାଙ୍କର ଆଗାମୀ ଚଳଚିତ୍ରରେ ରାଉଡି ଲୁକରେ ଦେଖାଦେବେ ଅକ୍ଷୟ | ‘ବଚ୍ଚନ ପାଣ୍ଡେ’ ଫିଲ୍ମର ଗୋଟେ ଫୋଟୋ ସୋସିଆଲ ମିଡ଼ିଆରେ ଖୁବ ଚର୍ଚାରେ |
ଗୋଟେ ବର୍ଷରେ ଅନେକ ଚଳଚିତ୍ର ପୁଣି ଭିନ୍ନ ଭିନ୍ନ ଗେଟଅପରେ ଦେଖା ଦେଉଥିବା ଷ୍ଟାର ହେଉଛନ୍ତି ଅକ୍ଷୟ କୁମାର | ଯେଉଁଠି ତାଙ୍କର ଅନେକ ଚଳଚିତ୍ର ରିଲିଜ ପାଇଁ ଲାଇନରେ ଅଛି , ସେଠି ପୁଣି ଗୋଟେ ଚଳଚିତ୍ର ପାଇଁ ସେ ଅଂଟା ଭିଡିଛନ୍ତି | ଆଗାମୀ ଚଳଚିତ୍ର ‘ବଚ୍ଚନ ପାଣ୍ଡେ’ର ସୁଟିଂ ପାଇଁ ପ୍ରସ୍ତୁତି ଚାଲିଛି | ସେଥିରେ ଗୋଟେ ଭିନ୍ନ ଚରିତ୍ରରେ ନଜର ଆସିବେ ଅକ୍ଷୟ |
‘ବଚ୍ଚନ ପାଣ୍ଡେ’ ଚଳଚିତ୍ରର ଘୋଷଣା ପରେ ପରେ ସୋସିଆଲ ମିଡିଆରେ ଅକ୍ଷୟଙ୍କ ନୂଆ ଗେଟଅପ ଏବେ ଭାଇରାଲ ହେବାରେ ଲାଗିଛି | ଦାଢ଼ି ଭର୍ତି ମୁହଁ , ବେକରେ ମୋଟା ଚେନ , ନୀଳରଙ୍ଗର ଆଖି(ବାମ )ଏବଂ ମଥାରେ ସ୍କାରଫ ଭିଡିଥିବା ଅକ୍ଷୟଙ୍କ ଫଟୋକୁ ଅନେକ ଗୁଡିଏ ଲାଇକ ଆଉ ସେୟାର ମିଳିଛି | ଏଥିରୁ ଜଣାଯାଏ ଯେ, ଏହି ଗେଟଅପ ବହୁତ ଆକର୍ଷଣୀୟ ଏବଂ ପସନ୍ଦ ଯୋଗ୍ୟ ହେଇଛି ଦର୍ଶକମାନଙ୍କୁ | ଏହି ଫଟୋ ସାଥେ ଅକ୍ଷୟ ଏକ କ୍ୟାପ୍ସନ ମଧ୍ୟ ଲେଖିଛନ୍ତି ,” ଦର୍ଶକମାନଙ୍କ ପାଇଁ ଏହାର ଗୋଟେ ଲୁକ ହିଁ ଯଥେଷ୍ଟ ଏବଂ ଏହା ଆଗାମୀ ୨୦୧୨ ମସିହା ଜାନୁଆରୀ ୨୬ ରେ ରିଲିଜ ହେବାର ଯୋଜନା ରହିଛି ”|
୨୦୨୦ ମସିହାରେ ରିଲିଜ ପାଇଁ ଫୁଲ ଦମରେ ପ୍ରସ୍ତୁତ ଥିଲା ଅକ୍ଷୟଙ୍କ ‘ସୂର୍ଯ୍ୟବଂସମ’ କିନ୍ତୁ କରୋନା ଭାଇରସର ଆଗମନ ଆଉ ଚାରିଆଡେ ଲକଡାଉନ ନିମନ୍ତେ ଏହାର ରିଲିଜ ତାରିଖ ଅନିର୍ଦ୍ଧିଷ୍ଟ କାଳ ପାଇଁ ବନ୍ଦ କରିଦିଆଗଲା | ଖାଲି ସେତିକି ନୁହେଁ ଅକ୍ଷୟଙ୍କ ଆଗାମୀ ଚଳଚିତ୍ର ମଧ୍ୟରେ ରହିଛି ‘ପୃଥ୍ୱୀରାଜ’ , ‘ଅତରଙ୍ଗୀ ରେ’ , ‘ବେଲ ବଟମ’ ଇତ୍ୟାଦି ଯାହା ଦର୍ଶକମାନଙ୍କୁ ଭରପୁର ମନୋରଞ୍ଜନର ଖୋରାକ ଯୋଗାଇବ |
