ଭୁବନେଶ୍ୱର: କଲ୍ କରିବାର ୨୪ ଘଣ୍ଟା ପରେ ମଧ୍ୟ ରୋଗୀଙ୍କ ନିକଟରେ ପହଞ୍ଚିପାରିଲାନି ଆମ୍ବୁଲାନ୍ସ। ହେଲେ କଲ୍ ସେଣ୍ଟରର କର୍ମକର୍ତ୍ତା ପରଦିନ ଫୋନ୍ କରି ସେବାଗୁଡିକ କିପରି ଲାଗିଲା ସେନେଇ ପଚାରିଥିଲେ ,ଯାହାକି ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଥିଲା ।
ନୋଏଡାରର ହୋମସ୍ -୧୨୧ ର ବାସିନ୍ଦା ଦୀନେଶ ସିଂ କହିଛନ୍ତି ଯେ ଗୁରୁବାର ହୋମ ଆଇସୋଲେସନରେ ଥିବା ଜଣେ କରୋନା ରୋଗୀଙ୍କର ସ୍ୱାସ୍ଥ୍ୟ ଅବସ୍ଥା ହଠାତ ବିଗିଡି ଯାଇଥିଲା । ନିଶ୍ୱାସ ନେବାରେ ସମସ୍ୟା ଦେଖାଦେଇଥିଲା । ଫଳରେ ତାଙ୍କ ପରିବାର 108 କଲ୍ ସେଣ୍ଟରକୁ ଫୋନ୍ କରି ଆମ୍ବୁଲାନ୍ସ ପଠାଇବାକୁ କହିଥିଲେ,। ସେଠାରେ ରୋଗୀର ସମ୍ପୂର୍ଣ୍ଣ ବିବରଣୀ ନିଆଯାଇଥିଲା ଏବଂ କୁହାଯାଇଥିଲା ଯେ ଆମ୍ବୁଲାନ୍ସ ଆଗାମୀ ୩୦ ରୁ ୩୫ ମିନିଟ ମଧ୍ୟରେ ଠିକଣା ସ୍ଥଳରେ ପହଂଚିଯିବ। ସମୟ ଗଡିଚାଲିଥିଲା , ହେଲେ ଆମ୍ବୁଲାନ୍ସର କୌଣସି ଖୋଜ ଖବର ନଥିଲା । କଲ୍ ସେଣ୍ଟରକୁ ବାରମ୍ବାର ଫୋନ କରିବା ପରେ ମଧ୍ୟ କୌଣସି ପ୍ରତିକ୍ରିୟା ମିଳି ନଥିଲା।
ଏହା ପରେ ରୋଗୀଙ୍କୁ ନେବାକୁ ଘରୋଇ ଆମ୍ବୁଲାନ୍ସ ମଧ୍ୟ ଅନୁରୋଧ କରାଯାଇଥିଲା, କିନ୍ତୁ ସମସ୍ତେ ଆସିବାକୁ ମନା କରିଦେଇଥିଲେ। ନୋଏଡାର ପ୍ରତ୍ୟେକ ଡାକ୍ତରଖାନାକୁ ମଧ୍ୟ ଫୋନ କରାଯାଇଥିଲା, କିନ୍ତୁ କେହି ଫୋନ ଉଠାଇ ନଥିଲେ। ଶେଷରେ ଏକ PPE କିଟ୍ କିଣାଯାଇ ରୋଗୀର ପୁଅକୁ ଦିଆଗଲା । ପୁଅ ଏହି କିଟ୍ ପିନ୍ଧି ବାପାଙ୍କୁ ଏକ କାରରେ ନେଇ ଦିଲ୍ଲୀର ହୋଲି ଫ୍ୟାମିଲି ହସ୍ପିଟାଲକୁ ନେଇଥିଲେ। ସେଠାରେ ରୋଗୀଙ୍କୁ ଭର୍ତ୍ତି କରାଯାଇଥିଲା।
ଦୀନେଶ ସିଂ କହିଛନ୍ତି ଯେ ୧୦ ରୁ ଅଧିକ ଲୋକ ଆମ୍ବୁଲାନ୍ସ ଫୋନ କରି ଡାକିଥିଲେ ମଧ୍ୟ କୌଣସି ସୁଫଳ ମିଳିନଥିଲା। ହେଲେ ପରଦିନ ଯେତେବେଳେ ମୁଁ କଲ ସେଣ୍ଟରରୁ ଏକ କଲ ପାଇଲି ଏବଂ ମୋତେ ପଚରାଗଲା କି ଆପଣଙ୍କୁ ଆମ ଆମ୍ବୁଲାନ୍ସ ସେବା କେମିତି ଲାଗିଲା । ଏହାଠାରୁ ଆଉ ଦୁର୍ଭାଗ୍ୟଜନକ ଘଟଣା ଆଉ କଣ ହୋଇପାରେ ବୋଲି ପ୍ରଶ୍ନ କରିଛନ୍ତି ଦୀନେଶ।
