ଭୁବନେଶ୍ୱର: ତାଲିବାନର ସମୟସୀମା ଶେଷ ହେବାର ୨୪ ଘଣ୍ଟା ପୂର୍ବରୁ ଆମେରିକୀୟ ସେନା ଆଫଗାନିସ୍ତାନର ମାଟି ଛାଡ଼ିଛି। ୩୧ ଅଗଷ୍ଟ ଅର୍ଥାତ୍ ଆଜି ଥିଲା ଶେଷ ସମୟସୀମା । କିନ୍ତୁ, ମଧ୍ୟରାତ୍ରିରେ ଆମେରିକା ଆଫଗାନିସ୍ତାନରୁ ନିଜର ସେନା ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଥିଲା। ତେବେ ବର୍ତମାନ ଆଫଗାନିସ୍ତାନ ପରିସ୍ଥିତି ସାରା ବିଶ୍ୱରେ ଚିନ୍ତାର କାରଣ ପାଲଟିଛି।
ଆମେରିକାର ସେନା ଫେରି ଆସିଛି, କିନ୍ତୁ ପ୍ରତ୍ୟାହାର ପୂର୍ବରୁ ଆମେରିକା ସେନା ଆଫଗାନିସ୍ତାନରେ ନିୟୋଜିତ ଅନେକ ବିମାନକୁ ନଷ୍ଟ କରିଦିଛନ୍ତି , ଯାହାକି ସେ କେବେ ଆଉ ଆକାଶରେ ଉଡ଼ି ପାରିବ ନାହିଁ। ଏହା ବ୍ୟତୀତ ଆମେରିକା ସେନା ଆଫଗାନିସ୍ତାନରେ ଉପସ୍ଥିତ ଥିବା ରକେଟ ପ୍ରତିରକ୍ଷା ପ୍ରଣାଳୀକୁ ମଧ୍ୟ ଧ୍ୱଂସ କରିଦେଇଛି। ବର୍ତ୍ତମାନ ସେଗୁଡିକ ଆଉ ବ୍ୟବହାର ଉପଯୋଗୀ ନାହିଁ।
ଆଫଗାନିସ୍ତାନରୁ ଆମେରିକାର ସେନା ପ୍ରତ୍ୟାହାର ପରେ ତାଲିବାନ ଦ୍ୱାରା ଆତଙ୍କ କିପରି ସୃଷ୍ଟି ହେବ ତାହାର ଚିତ୍ର ପ୍ରକାଶ ପାଇବାରେ ଲାଗିଛି। ବାସ୍ତବରେ ଆଫଗାନିସ୍ତାନରୁ ଏକ ଭିଡିଓ ସାମ୍ନାକୁ ଆସିଛି। ଏହି ଭିଡିଓରେ ତାଲିବାନ ଯୁଦ୍ଧବିମାନ କାନ୍ଦାହାର ଆକାଶରେ ବ୍ଲାକ୍ ହକ୍ ହେଲିକପ୍ଟର ଉଡାଉଛି। ହେଲିକପ୍ଟରରେ ଜଣେ ବ୍ୟକ୍ତିଙ୍କୁ ଲଟକାଇ ଆକାଶରେ ଉଡୁଥିବା ଦେଖିବାକୁ ମିଳିଛି, ତେବେ ହେଲିକପ୍ଟରରେ କାହାକୁ ଲଟକାଯାଇଥିଲା ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ଯାହାର ଏକ ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି ।
