ଭୁବନେଶ୍ୱର: ଆପଣ ଏମିତି ପୋଷା ବିଲେଇ କେବେ ଦେଖିନଥିବେ । ବନ୍ୟଜନ୍ତୁ ଭାଇରାଲ ଇନଷ୍ଟାଗ୍ରାମ petswillneverdie ରେ ସେୟାର ହୋଇଥିବା ଏହି ଭିଡିଓଟି, ଆପଣଙ୍କୁ ଆଶ୍ଚର୍ଯ୍ୟ ଚକିତ କରିପାରେ। ମଣିଷଙ୍କ ପରି ବିଲେଇ ମଧ୍ୟ ଆଇପ୍ୟାଡରେ ଖେଳିବାରେ ଅଭ୍ୟସ୍ତ। ଆଉ ଖେଳୁଥିବା ସମୟରେ, ଯେତେବେଳେ ସ୍କ୍ରିନ୍ ର ଲକ୍ ପଡ଼ିଯାଏ, ବିଲେଇଟି ତୁରନ୍ତ ନିଜ ମାଲିକ ମୁହଁକୁ ଚାହିଁ ହାତ ଯୋଡି ପକାଏ । ପୋଷା ବିଲେଇର ଏହି ସୁନ୍ଦର ଶୈଳୀକୁ ଲୋକେ ଖୁବ ପସନ୍ଦ କରିଛନ୍ତି ।
View this post on Instagram
ବର୍ତ୍ତମାନ ପିଲାମାନେ ଯେପରି ଫୋନ୍ ଆଇପ୍ୟାଡ୍ ଏବଂ ଟାବଲେଟରେ ଗେମ ଖେଳି ସମୟ କାଟିଥାନ୍ତି। ସେହିଭଳି, ଏହି ବିଲେଇ ମଧ୍ୟ ଆଇପ୍ୟାଡ୍ ପାଗଳ। ଭାଇରାଲ୍ ଭିଡିଓରେ, ବିଲେଇଟି ଆଇପ୍ୟାଡରେ ଗେମ ଖେଳୁଥିବା ବେଳେ ହଠାତ୍ ସ୍କ୍ରିନ୍ ଲକ୍ ହୋଇଯାଏ। ଫଳରେ ଉପାୟ ଶୂନ୍ୟ ହୋଇ ପୋଷା ବିଲେଇଟି ହାତଯୋଡ଼ି ସେ ସ୍କ୍ରିନ୍ ର ଲକ୍ କୁ ଖୋଲିବାକୁ ମାଲିକଙ୍କୁ ନିବେଦନ କରିବାକୁ ଲାଗେ ।
ଏହି ଭିଡିଓଟି ସେୟାର ହେବା ମାତ୍ରେ ଇଣ୍ଟରନେଟରେ ବହୁତ ଭାଇରାଲ ହେଉଛି, ୨.୫ ଲକ୍ଷରୁ ଅଧିକ ଲୋକ ଏହାକୁ ପସନ୍ଦ କରିଛନ୍ତି।
