ଭୁବନେଶ୍ୱର : କରୋନା ଭାଇରସ୍ ର ଦ୍ୱିତୀୟ ତରଙ୍ଗ ଦିନକୁ ଦିନ ଘାତକ ହେବାରେ ଲାଗିଛି । ଯାହାକୁ ଦୃଷ୍ଟିରେ ରଖି ଦେଶର ଅନେକ ରାଜ୍ୟରେ ଲକ ଡାଉନ ଘୋଷଣା କରାଯାଇଛି । ନିୟମକୁ ଅନୁପାଳନ କରିବା ପାଇଁ ଜନସଧାରଣଙ୍କ ସହଯୋଗ ମଧ୍ୟ୍ୟ ଲୋଡୁଛନ୍ତି ରାଜ୍ୟ ସରକାର । ଏଭଳି ପରିସ୍ଥିତିରେ ନିଜ ଶରୀରର ଯତ୍ନ ନେବା ହେଉଛି ସବୁଠାରୁ ବଡ ଉପଶମ । ହେଲେ ଅନେକ ସମୟରେ ଦେଖିବାକୁ ମିଳୁଛି ଯେ, ଯେଉଁମାନେ କରୋନାରୁ ସୁସ୍ଥ ହୋଇ ଘରକୁ ଫେରୁଛନ୍ତି ସେମାନେ ପୁନର୍ବାର ସଂକ୍ରମିତ ହେଉଥିବାର ଖବର ସାମ୍ନାକୁ ଆସୁଛି । ଏଭଳି ପରିସ୍ଥିତିରେ ବିଶେଷଜ୍ଞମାନେ ପରାମର୍ଶ ଦେଉଛନ୍ତି ଯେ, ଯେଉଁମାନେ ବର୍ତ୍ତମାନ କରୋନାରୁ ସୁସ୍ଥ ହେଉଛନ୍ତି, ସେମାନେ ପୁନର୍ବାର ଏହାର ଶିକାର ହେବା ଉଚିତ୍ ନୁହେଁ। କରୋନା ସଂକ୍ରମଣ ରୋକିବାରେ ସ୍ୱଚ୍ଛତା ହେଉଛି ଏକ ଗୁରୁତ୍ୱପୂର୍ଣ୍ଣ ଉପାଦାନ । ଦାନ୍ତ ବିଶେଷଜ୍ଞମାନେ ପରାମର୍ଶ ଦେଉଛନ୍ତି ଯେ କରୋନାରୁ ସୁସ୍ଥ ହୋଇଥିବା ରୋଗୀମାନେ ତୁରନ୍ତ ସେମାନଙ୍କର ବ୍ରଶ୍ ଏବଂ ଟଙ୍ଗ କ୍ଲିନର୍ ପରିବର୍ତ୍ତନ କରିବା ଉଚିତ୍ । ଡାକ୍ତରମାନେ କହିଛନ୍ତି ଯେ ଏହା କେବଳ ରୋଗୀଙ୍କୁ କୋଭିଡ ସଂକ୍ରମଣରୁ ବଞ୍ଚିତ କରେ ନାହିଁ ବରଂ ପରିବାରର ଅନ୍ୟ ସଦସ୍ୟମାନଙ୍କୁ ମଧ୍ୟ ଏହା ନିରାପଦରେ ରଖେ।
ଡାକ୍ତରମାନେ କହିଛନ୍ତି ଯେ ଟୁଥ୍ ବ୍ରଶରେ ବିକଶିତ ହେଉଥିବା ଜୀବାଣୁ ଅନେକ ସମୟରେ ଶ୍ୱାସକ୍ରିୟାରେ ସଂକ୍ରମଣ ସୃଷ୍ଟି କରନ୍ତି। ଡାକ୍ତରମାନେ ମଧ୍ୟ ପରାମର୍ଶ ଦେଉଛନ୍ତି ଯେ ଯଦି ଘରର ଅନ୍ୟ ସଦସ୍ୟ ଅଛନ୍ତି, ତେବେ ଆପଣ ପାଟି ଧୋଇବା ବା ସହ ଗରମ ପାଣିରେ କୁଲା କରିବା ଉଚିତ୍।
