ଚୋରା ନେଇଗଲେ ୧୭ ଲକ୍ଷ ଟଙ୍କାର ଚକୋଲେଟ, ଧରାପଡିଯିବା ଭୟରେ କଲେ କିଛି ଏମିତି …ଚିନ୍ତାରେ ପୋଲିସ

ଭୁବନେଶ୍ୱର: ଅନେକ ଲୋକ ଏହି ଖବରକୁ ହୁଏ ତ ବିଶ୍ୱାସ କରିନପାରନ୍ତି, ହେଲେ ଉତ୍ତରପ୍ରଦେଶରରେ ଏଭଳି ଏକ ଚୋରି ମାମଲା ସାମ୍ନାକୁ ଆସିଛି ଯାହାକି ଆପଣଙ୍କୁ ଆଶ୍ଚର୍ଯ୍ୟ ଚକିତ କରିପାରେ। ଚୋରମାନେ ଗୋଦାମରେ ରଖାଯାଇଥିବା ପ୍ରାୟ ୧୭ ଲକ୍ଷ ଟଙ୍କା ମୂଲ୍ୟର ଚକୋଲେଟକୁ ଚୋରିକରି ନେଇଯାଇଛନ୍ତି ।

ଆପଣ ମଧ୍ୟ ଏପରି ଚୋରି ଘଟଣା କେବେ ଶୁଣିନଥିବେ। ଚୋରମାନେ ଚକୋଲେଟ ଡିଲରଙ୍କ ଘର ଆଗରେ ଗାଡି ରଖି ଚୋରି ପାଇଁ ସମ୍ପୂର୍ଣ୍ଣ ବ୍ୟବସ୍ଥା କରିଥିଲେ। ଏହି ଗାଡ଼ିରେ ସମସ୍ତ ଚକୋଲେଟ୍ ଲୋଡ୍ କରିବା ପରେ ଚୋରମାନେ ସେଠାରୁ ଅତି ଚତୁରତାର ସହ ଖସି ପଳାଇ ଯାଇଥିଲେ।

ଧରାପଡିଯିବା ଭୟରେ ଚୋରମାନେ ଗୋଦାମରେ ଲାଗିଥିବା ସିସିଟିଭି କ୍ୟାମେରାର DVR ମଧ୍ୟ ସାଙ୍ଗରେ ନେଇଯାଇଥିଲେ । ପରେ ପଡୋଶୀମାନେ ଫୋନ୍ କରି ଡିଲରଙ୍କୁ ଚୋରି ବିଷୟରେ କହିଥିଲେ, ଏହା ପରେ ଡିଲର ପୋଲିସ ଷ୍ଟେସନରେ ପହଞ୍ଚି ଗୋଦାମରୁ ଚକୋଲେଟ ଚୋରି ହୋଇଥିବା ନେଇ ଅଭିଯୋଗ କରିଥିଲେ।

ଚୋରମାନଙ୍କୁ ଧରିବା ପାଇଁ ପୋଲିସ ପଡୋଶୀମାନଙ୍କୁ ପଚରାଉଚରା କରୁଛି। ଆଖପାଖର ସିସିଟିଭି ଫୁଟେଜ୍ ମଧ୍ୟ ଯାଞ୍ଚ କରୁଛି। ପୋଲିସ କହିଛି ଯେ ସେମାନେ ଶୀଘ୍ର ଚୋରମାନଙ୍କୁ ଧରିବେ ଏବଂ ସେମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବୁ।