ଭୁବନେଶ୍ୱର : ପ୍ରତିବର୍ଷ ଡିସେମ୍ବର ମାସ ୨୫ ତାରିଖକୁ ଖ୍ରୀଷ୍ଟମାସ ଭାବେ ବିଶ୍ୱର ଅନେକ ସ୍ଥାନରେ ଅତି ଧୁମଧାମରେ ପାଳନ କରାଯାଏ । ତେବେ ଖ୍ରୀଷ୍ଟମାସକୁ ଭଗବାନ ଯୀଶୁଙ୍କ ଜନ୍ମ ଦିବସ ଭାବେ ପାଳନ କରାଯାଏ । ଖ୍ରୀଷ୍ଟ ଧର୍ମର ଲୋକମାନଙ୍କର ଏହା ସବୁଠୁ ବଡ ପର୍ବ ରୂପେ ବିବେଚିତ । କିନ୍ତୁ ଚଳିତ ବର୍ଷ ମଧ୍ୟ ରାତ୍ରୀରେ ଉତ୍ସବ ପାଳନ ହୋଇନି । ଜିରୋ ନାଇଟ ସେଲିବ୍ରେସନରେ କିଛିଟା କଟକଣା ଜାରି କରାଯାଇଛି ।
କରୋନା କଟକଣା ପାଇଁ କିଛିଟା ଫିକା ପଡ଼ିଯାଇଛି ଏହି ଉତ୍ସବ ପାଳନ । ଚଳିତ ବର୍ଷ କୋଭିଡ୍ କଟକଣା ପାଇଁ କିଛି ଚର୍ଚ୍ଚରେ ସୀମିତ ଶ୍ରଦ୍ଧାଳୁଙ୍କୁ ନେଇ ପ୍ରାର୍ଥନା ସହ ବାଇବେଲ୍ ପାଠ ହୋଇଥିଲା । ଏମିତିକି ଅଧିକାଂଶ ଚର୍ଚ୍ଚରେ ପ୍ରଭୁ ଯୀଶୁଙ୍କ ଜନ୍ମଦିନ ଉତ୍ସବ ପାଳନ ହୋଇନାହିଁ । ଗତବର୍ଷ ଗୁଡିକ ଭଳି ଚର୍ଚ୍ଚରେ ସାଜସଜ୍ଜା ନାହିଁ କି ଲୋକଙ୍କ ଗହଳି ଚହଳି ମଧ୍ୟ ନାହିଁ । ଏହାକୁ ବଡଦିନ ବୋଲି ମଧ୍ୟ କୁହାଯାଇଥାଏ । କିଛି ଦେଶରେ ଖ୍ରୀଷ୍ଟମାସକୁ ସେଣ୍ଟ ଷ୍ଟିଫେନ୍ସ ଡେ ବୋଲି ମଧ୍ୟ କୁହାଯାଏ । ଏହା ଏପରି ଏକ ପର୍ବ ଯାହାକୁ ପୂରା ବିଶ୍ୱର ଲୋକେ ପାଳନ କରିଥାନ୍ତି । ଡିସେମ୍ବର ୨୫ ତାରିଖରୁ ଆରମ୍ଭ କରି ୧୨ ଦିନ ପର୍ୟ୍ୟନ୍ତ ଖ୍ରୀଷ୍ଟମାସ ଟାଇଡ ଉସ୍ଥବ ପାଳନ କରାଯାଇଥାଏ ।
ଏହି ଉସ୍ଥବରେ ଖ୍ରୀଷ୍ଟ ଧର୍ମର ଲୋକମାନେ ନିଜ ଘରକୁ ଆଲୋକମାଳା ଓ ଫୁଲରେ ସଜାଇବା ସହ ନୂତନ ପୋଷାକ କିଣି ବଭିନ୍ନ ପ୍ରକାରର ସୁସ୍ୱାଦୁ ଖାଦ୍ୟ ତିଆରି କରି ବଡ ଜାକଜମକରେ ଏହାକୁ ପାଳନ କରିଥାନ୍ତି । ବଡଦିନରେ ଦୋକାନ ଗୁଡିକର ଆକର୍ଷଣ ବଢିଥାଏ ଏବଂ ଘର ତଥା ଦୋକାନ ଗୁଡିକୁ ରଙ୍ଗୀନ ଆଲୋକମାଳାରେ ସୁସଜ୍ଜିତ କରା ଯାଇଥାଏ । ବଡଦିନରେ ଚର୍ଚ୍ଚ ଗୁଡିକୁ ସୁନ୍ଦର ଭାବରେ ସଜାଇବା ସହିତ ସ୍ୱତନ୍ତ୍ର ପ୍ରାର୍ଥନା କରା ଯାଇଥାଏ ଏବଂ ଗୃହ ସମ୍ମୁଖରେ ଖ୍ରୀଷ୍ଟମାସ ଟ୍ରୀ ପ୍ରସ୍ତୁତ କରା ଯାଇଥାଏ ।
ବଡଦିନରେ କେକର ଗୁରୁତ୍ୱପୂର୍ଣ୍ଣ ଭୂମିକା ରହିଛି । ସମସ୍ତେ ମିଳିତ ହୋଇ କେକ କାଟିବା ସହ ପରସ୍ପରକୁ କେକ ଖୁଆଇ ଏହି ଦିନର ଶୁଭ କାମନା ଜଣାଇଥାନ୍ତି । ସେହିପରି ଖ୍ରୀଷ୍ଟମାସରେ ସାଣ୍ଟା କ୍ଲସର ମଧ୍ୟ ମହତ୍ୱପୂର୍ଣ୍ଣ ସ୍ଥାନ ରହିଛି । ସାଣ୍ଟା କ୍ଲସ ବିନା ବଡଦିନ ଅଧୁରା ଲାଗେ । ଯେଉଁ ବ୍ୟକ୍ତିମାନଙ୍କଠାରେ ପରୋପକାର ଏବଂ ସାହାଯ୍ୟ ମନୋଭାବ ରହିଛି ସେମାନେ ସାଣ୍ଟା କ୍ଲସର ରୂପ ଧାରଣ କରି ବିଭିନ୍ନ ପ୍ରକାର ଉପହାର ବଣ୍ଟନ କରିଥାନ୍ତି ।