ଭୁବନେଶ୍ୱର: ସୋସିଆଲ ମିଡିଆରେ ଏମିତି ଏକ ଭିଡିଓ ଭାଇରାଲ ହୋଇଛି, ଯେଉଁଥିରେ କେରଳର ଜଣେ କଲେକ୍ଟର ଛାତ୍ରଛାତ୍ରୀଙ୍କ ସହ ନାଚୁଥିବାର ନଜର ଆସିଛନ୍ତି। ଭିଡିଓରେ ନାଚୁଥିବା ମହିଳା ଜଣକ ହେଉଛନ୍ତି ପଥନମଥିଟ୍ଟା ଜିଲ୍ଲାର କଲେକ୍ଟର ଦିବ୍ୟା ଏସ୍ ଆୟର୍ । ସେ ରଣଭୀର ସିଂହ-ଦୀପିକା ପାଦୁକୋନ ଅଭିନୀତ ଚଳଚ୍ଚିତ୍ର ରାମ-ଲୀଲାଙ୍କ ଗୀତରେ ଛାତ୍ରମାନଙ୍କ ସହିତ ନାଚୁଥିବାର ନଜର ଆସିଥିଲେ । ଲୋକମାନେ ସୋସିଆଲ ମିଡିଆରେ ଏହି ଭିଡିଓକୁ ସେୟାର କରୁଛନ୍ତି।
ଅଜିନ ନାମକ ଜଣେ ଫେସବୁକ ବ୍ୟବହାରକାରୀ ତାଙ୍କ ଆକାଉଣ୍ଟରେ ଏହି ଭିଡିଓଟିକୁ ସେୟାର କରିଛନ୍ତି। ଗଣମାଧ୍ୟମ ରିପୋର୍ଟ ଅନୁଯାୟୀ, ଦିବ୍ୟା ଏସ୍ ବିଶ୍ୱବିଦ୍ୟାଳୟ ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେଇଥିଲେ। ଛାତ୍ରମାନେ ଜିଲ୍ଲପାଳଙ୍କୁ ନାଚିବାକୁ ଅନୁରୋଧ କରିଥିଲେ,ଶେଷରେ ପିଲାଙ୍କ ଅନୁରୋଧକୁ ରକ୍ଷା କରିବାକୁ ଯାଇ କଲେକ୍ଟର ଦିବ୍ୟା ଏସ୍ ଆୟର୍ ନାଚିଥିଲେ।
