ମୁମ୍ବାଇ: ସବୁବେଳେ ଚର୍ଚ୍ଚାରେ ରହି ଆସୁଥିବା ରାକ୍ଷୀ ସାୱନ୍ତ ଏବେ ଦେଶଦ୍ରୋହୀର ଆଖ୍ୟା ପାଇଛନ୍ତି, ଯାହା ତାଙ୍କ ଫ୍ୟାନ ମାନଙ୍କ ପାଇଁ ଦୁଃଖର କାରଣ ପାଲଟିଛି | ଏହି ଆଖ୍ୟା ତାଙ୍କର କିଛି ବିବାଦୀୟ ଫଟୋ ପୋଷ୍ଟ ପାଇଁ |
ଫଟୋରେ ସେ ଏକ ପାକିସ୍ତାନୀ ପତାକା ଧରିଥିବାର ଦେଖାଯାଏ ଏବଂ ଆଉ ଗୋଟେ ଫଟୋରେ ପାକିସ୍ଥାନୀ ପତାକାକୁ ନିଜ ଛାତିରେ ଧରିଛନ୍ତି , ଯାହା ତାଙ୍କ ପାକିସ୍ଥାନୀ ଦେଶପ୍ରେମର ଅନୁଭୂତି ପ୍ରଦାନ କରୁଛି | ଜଣାଯାଏ ଏ ଫଟୋଟି ୨୦୧୯ ମସିହାର |
ଗତ ବର୍ଷ ପାକିସ୍ତାନର ଜାତୀୟ ପତାକା ଉତ୍ତୋଳନ କରିଥିବାରୁ ରାଖୀଙ୍କୁ କଡା ନିନ୍ଦା କରାଯାଇଛି। ସେ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ଏକ ଚଳଚ୍ଚିତ୍ରରେ ତାଙ୍କ ଚରିତ୍ର ହେତୁ ସେ ପତାକା ଧରିଛନ୍ତି | ସେ ଲେଖିଛନ୍ତି, “ମୁଁ ମୋର ଭାରତକୁ ଭଲ ପାଏ କିନ୍ତୁ ଫିଲ୍ମ ‘ ଧାରା ୩୭୦ ‘ ରେ ଏହା ମୋର ଚରିତ୍ର ଅଟେ |
ସିନେମାର କାହାଣୀ ଅନୁଯାଇ ଚରିତ୍ର ଚିତ୍ରଣ କରାଯାଇଥାଏ | ଏହି ଚରିତ୍ରକୁ ନିଭେଇବା ପାଇଁ ଅଭିନେତା ବା ଅଭିନେତ୍ରୀ ତାଙ୍କର ମନ ପ୍ରାଣ ଦେଇ ପରିଶ୍ରମ କରିଥାନ୍ତି | ଫିଲ୍ମ ଟି ପରଦା କୁ ଆସିବା ପରେ ଜଣାଯାଏ ଅଭିନୟର ପରାକାଷ୍ଠା କାହାର କେତେ ?
ସେଥିପାଇଁ ଅଭିନେତାମାନେ ଏହାକୁ ଦାଇତ୍ୱ ଓ କର୍ତବ୍ୟ ଭାବି କାର୍ଯ୍ୟ କରିଥାନ୍ତି | ଚଳଚ୍ଚିତ୍ର ” ଧାରା ୩୭୦ ” ରେ ପାକିସ୍ଥାନୀ ପତାକାକୁ ନିଜ ଛାତିରେ ଧରିବାର ଏକ ସଟ ଥିଲା , ରାକ୍ଷୀ ଏହି ଚରିତ୍ରକୁ ନିଖୁଣ ଭାବେ ନିଭେଇଛନ୍ତି |
ତାଛଡା ରାକ୍ଷୀ ଏମିତି ରେ ବିବାଦରେ ରହିବାକୁ ଭଲପାଆନ୍ତି ବା ବିବାଦ ତାଙ୍କ ପିଛା ଛାଡେନି କହିଲେ ଅତ୍ୟୁକ୍ତି ହେବ ନାହିଁ | ଏହି କିଛି ଦିନ ହେବ ଭାରତରେ କଙ୍ଗନା ରାନାୱତ ମଧ୍ୟ ନିଜ କାର୍ଯ୍ୟକଳାପ ପାଇଁ ଚର୍ଚ୍ଚାରେ ରହିଛନ୍ତି | କଙ୍ଗନା ରାନାୱତଙ୍କୁ ରାକ୍ଷୀ ଦୃଢ ନିନ୍ଦା କରିଛନ୍ତି।
