ଭୁବନେଶ୍ୱର: କାନ୍ଧ ନ ମିଳିବରୁ ଟ୍ରଲିରେ ଶବ ନେବା ଘଟଣା ଏବେ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି । ଏମିତି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ପୁରୀ ଜିଲ୍ଲା କୋଣାର୍କ ଥାନା ଅନ୍ତର୍ଗତ ମାଙ୍କରଗୋରଡ଼ି ଗ୍ରାମରେ ।
ଏହି ଗାଁର ସନାତନ ରାଉତଙ୍କ ଏକ ମାତ୍ର ପୁଅ ସାଧୁଆ ଜିଛିଦିନ ହେଲା ଜ୍ଜ୍ବରରେ ପୀଡିତ ହୋଇଥିଲେ । ଗତ ୩ ତାରିଖରେ ତାଙ୍କୁ ଗୋପ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ । ଡାକ୍ତର ତାଙ୍କୁ ଟାଇଫଏଡ଼ ଚିକିତ୍ସା କରିବା ସହ କୋଭିଡ ପରୀକ୍ଷା ପାଇଁ ପୁରୀ ରେଫର କରିଥିଲେ ।
୪ ତାରିଖରେ ପୁରୀ ମେଡିକାଲରେ ଓପିଡି ବନ୍ଦ ଥିବାରୁ ତାଙ୍କୁ ଫେରାଇ ଦେଇଥିଲା । ୫ ତାରିଖ ସକାଳେ ସେ ଭୁବନେଶ୍ୱର ଯିବା ପାଇଁ ପ୍ରସ୍ତୁତ ହେଉଥିବା ବେଳେ ସକାଳ ୬ ତାରେ ତାଙ୍କର ମୃତ୍ୟୁ ହୋଇଥିଲା ।
ମୃତ ପରେ ତାଙ୍କ ଶବ ଉଠାଇବା ପାଇଁ କୁଟୁମ୍ବ କିମ୍ବା ଗାଁ ଲୋକେ କରୋନା ଭୟରେ କେହି ଆସି ନଥିଲେ । କୋଣାର୍କ ଏନ ଏ ସି କର୍ତ୍ତୃପକ୍ଷ ପିପି କିଟ ଯୋଗାଇବା ପରେ ସାଧୁଆଙ୍କ ଭିଣୋଇ,ପିଇସା,ମଉସା ଓ ଜଣେ ସମ୍ପର୍କୀୟ ଭାଇ ଗାଁ ମଶାଣିରେ ଶବ ସତ୍କାର କରିଥିଲେ ।
