ଭୁବନେଶ୍ୱର: ମହୁମାଛି ଆକ୍ରମଣରେ ଇଞ୍ଜିନିୟର ଛାତ୍ର ମୃତ। ମୃତ ଛାତ୍ର ଜଣକ ହେଉଛନ୍ତି ଶୁଭେନ୍ଦୁ ସାହୁ । ସାଙ୍ଗମାନଙ୍କ ସହ ଶୁଭେନ୍ଦୁ ଆଜି କଟକ ଜିଲ୍ଲା ବାଙ୍କୀ ଥାନା ପାଥପୁର ପଂଚାୟତରେ ଥିବା ପର୍ଯ୍ୟଟନ ସ୍ଥଳୀ ପାଣ୍ଡଵ ବଖରା ଗୁମ୍ଫା ବୁଲିବାକୁ ଆସିଥିଲେ। ହେଲେ ସେଠାରେ ମହୁମାଛି ଆକ୍ରମଣ କରିଥିଲା । ମହୁମାଛି ଆକ୍ରମଣରେ ୩ ଜଣ ଗୁରୁତର ଭାବେ ଆହତ ହୋଇଥିଲେ । ଗୁରୁତର ଅବସ୍ଥାରେ ସେମାନଙ୍କୁ ଉଦ୍ଧାର କରାଯାଇ ବାଙ୍କୀ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଶୁଭେନ୍ଦୁଙ୍କର ମୃତ୍ୟୁ ହୋଇଥିବା ଜଣାପଡିଛି । ତାଙ୍କ ଘର ତାଳଚେର ଅଞ୍ଚଳର ହୋଇଥିବା ବେଳେ ସେ ଭୁବନେଶ୍ୱରର ପଟିଆ ଅଞ୍ଚଳରେ ରହି ପାଠ ପଢୁଥିଲେ ।
