ସମ୍ବଲପୁର : ସମ୍ବଲପୁର ବିଶ୍ୱବିଦ୍ୟାଳୟ ଭିସିଙ୍କ ନାଁରେ ବୁର୍ଲା ଥାନାରେ ମାମଲା ରୁଜୁ | ଆତ୍ମହତ୍ୟା ପ୍ରସଙ୍ଗକୁ ନେଇ ବିଶ୍ୱବିଦ୍ୟାଳୟ କୁଳପତି ସଞ୍ଜିବ ମିତ୍ତଲଙ୍କ ସହ ଅନ୍ୟ ଦୁଇ ଅଧିକାରୀ ଙ୍କ ନାଁ ରେ ମାମଲା ରୁଜୁ | ଗତ କାଲି ଠିକା କର୍ମଚାରୀଙ୍କ ମୃତ୍ୟୁ ପରେ ତାଙ୍କ ପୁଅଙ୍କ ଅଭିଯୋଗ କ୍ରମେ ମାମଲା ରୁଜୁ ହୋଇଛି |
ମିଳିଥିବା ସୂଚନା ମୁତାବିକ, ସମ୍ବଲପୁର ବିଶ୍ୱବିଦ୍ୟାଳୟ ପ୍ରଶାସନିକ ବିଭାଗରେ ଠିକା କର୍ମଚାରୀ ଭାବେ କାର୍ୟ୍ୟରତ ଥିଲେ ଦୀନବନ୍ଧୁ ମିଶ୍ର | ଚାକିରୀ ନିୟମିତ କରିବାକୁ ସେ ବାରମ୍ବାର ଦାବି କରିଆସୁଥିଲେ | ଏପରିକି ଚାକିରୀ ନିୟମିତ କରିବା ପାଇଁ କୋର୍ଟରୁ ଅର୍ଡର ଆଣିଥିଲେ ମଧ୍ୟ କାର୍ଯ୍ୟକାରୀ ହେଇପାରୁ ନ ଥିଲା | ନିୟମିତ ଚାକିରି ଓ ସର୍ବନିମ୍ନ ପାରିଶ୍ରମିକ ଦାବିରେ କୁଳପତିଙ୍କ ଚାମ୍ବର ସମ୍ମୁଖରେ ପେଟ୍ରୋଲ ଢାଳି ହୋଇ ସେ ଆତ୍ମାହୁତି ଉଦ୍ୟମ କରିଥିଲେ | ଗୁରୁତର ଅବସ୍ଥାରେ ତାଙ୍କୁ ସମ୍ବଲପୁରରୁ କଟକ ସ୍ଥାନାନ୍ତର କରିବା ବାଟରେ ଅନୁଗୁଳ ଠାରେ ତାଙ୍କର ମୃତ୍ୟୁ ହୋଇଥିଲା |
