ଭୁବନେଶ୍ୱର: ଅନେକ ଲୋକ ସେମାନଙ୍କ ଜୀବନ ସାଥିକୁ ବିବାହ କରିବାକୁ ନେଇ ଖୁବ ଉତ୍ସାହିତ ଥାନ୍ତି । କିନ୍ତୁ ଗୁଜୁରାଟରୁ ଏକ ଅଜବ ବିବାହ ମାମଲା ସାମ୍ନାକୁ ଆସିଛି, ଯେଉଁଠାରେ ଜଣେ ଝିଅ ବର ବିନା ବିବାହ କରିବେ। ଏଭଳି ଏକ ଖବର ଶୁଣିବା ପରେ ଆପଣ ନିଶ୍ଚିତ ଭାବରେ ଭାବୁଥିବେ ଯେ ଏହା କିପରି ସମ୍ଭବ ?
ଜୁନ୍ ୧୧ ରେ ବିବାହ କରିବାକୁ ଯାଉଛନ୍ତି ଗୁଜରାଟର ଭଡୋଦରାରେ ରହୁଥିବା ୨୪ ବର୍ଷୀୟ ଯୁବତୀ କସମା ବିନ୍ଦୁ । କସମା କୌଣସି ବର ସହିତ ନୁହେଁ ବରଂ ନିଜ ସହିତ ବିବାହ କରିବାକୁ ଯାଉଛନ୍ତି । ସମସ୍ତ ପାରମ୍ପାରିକ ରୀତିନୀତିରେ ଏହି ବିବାହ ଅନୁଷ୍ଠିତ ହେବ। ହେଲେ ବିବାହରେ ବର କିମ୍ବା ଶୋଭାଯାତ୍ରା ଆସିବ ନାହିଁ। କୁହାଯାଉଛି ଯେ ଏହା ଗୁଜୁରାଟର ପ୍ରଥମ ଆତ୍ମ-ବିବାହ କିମ୍ବା ଏକକ ବିବାହ ହେବ।
TOI ରେ ପ୍ରକାଶିତ ଏକ ଖବର ଅନୁଯାୟୀ, କସମା କେବେବି ବିବାହ କରିବାକୁ ଚାହୁଁନଥିଲେ। କିନ୍ତୁ ସେ ବର ହେବାକୁ ଚାହୁଁଥିଲେ। ଏହି ଇଚ୍ଛା ପୂରଣ କରିବା ପାଇଁ ସେ ଏଭଳି ଏକ ନିଷ୍ପତ୍ତି ନେଇଛନ୍ତି । ତେବେ କସମା ଯେତେବେଳେ ନିଜ ପିତାମାତାଙ୍କୁ ଏ ବିଷୟରେ କହିଥିଲେ, ସେତେବେଳେ ପରିବାର ଲୋକେ ଆଶ୍ଚର୍ଯ୍ୟ ହୋଇଯାଇଥିଲେ । କିନ୍ତୁ ପରେ ଝିଅର ଇଚ୍ଛା ଆଗରେ ହାର ମାନିଥିଲେ।
