ଭୁବନେଶ୍ୱର: ରବିବାର ଟୋକିଓ ଅଲିମ୍ପିକ୍ସରେ ଭାରତୀୟ ପୁରୁଷ ହକି ଦଳ ବିଜୟ ହୋଇଛି । ୪୯ ବର୍ଷ ପରେ ପ୍ରଥମ ଥର ପାଇଁ ଭାରତୀୟ ପୁରୁଷ ହକି ଦଳ ସେମିଫାଇନାଲରେ ପ୍ରବେଶ କରିଛି । ହେଲେ ଏହି ସମୟରେ ଏମିତି କିଛି ଘଟଣା ଘଟିଥିଲା ଯାହା କି ଏବେ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି ।
ହକିର କ୍ୱାର୍ଟର ଫାଇନାଲ ମ୍ୟାଚରେ ଭାରତ ଗ୍ରେଟ ବ୍ରିଟେନକୁ ଯେତେବେଳେ ୩ – ୧ ରେ ପରାସ୍ତ କରିଥିଲା ସେତେବେଳେ ମ୍ୟାଚର ହିନ୍ଦୀ କମେଣ୍ଟ୍ରି କରୁଥିଲେ ସୁନୀଲ ତାନେଜା ଏବଂ ସିଦ୍ଧାର୍ଥ ପାଣ୍ଡେ । ରେଫରି ଅନ୍ତିମ ଘଣ୍ଟା ବଜାଇବାବେଳେ ଉଭୟ ସମୀକ୍ଷକ ସେମାନଙ୍କ ଭାବନାକୁ ଆଉ ନିୟନ୍ତ୍ରଣ କରିପାରିନଥିଲେ। ତାଙ୍କ ଆଖିରେ ଖୁସିର ଲୁହ ସ୍ପଷ୍ଟ ଭାବେ ଦେଖାଯାଉଥିଲା । ଭାରତ ବିଜୟ ହେବା ପରେ ସେ ନିଜ କୋହ କୁ ଆଉ ସମ୍ଭାଳି ପାରିନଥିଲେ । କମେଣ୍ଟ୍ରି ସମୟରେ ହିଁ ସେ କାନ୍ଦି ପକାଇଥିଲେ । ଯାହାର ଏକ ଭିଡିଓ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି । ୩ ଅଗଷ୍ଟରେ ଭାରତୀୟ ପୁରୁଷ ହକି ଦଳ ବେଲଜିୟମ ବିପକ୍ଷରେ ସେମିଫାଇନାଲ ମ୍ୟାଚ୍ ଖେଳିବ ।
Emotions…
जैसे ही भारतीय हॉकी टीम ने ग्रेट ब्रिटेन को हराया, सोनी स्पोर्ट्स इंडिया के लिए कमेंट्री कर रहे सुनील तनेजा और सिद्धार्थ पांडेय स्टूडियो में रोने लगे। ये आंसू जीत की खुशी के हैं।#Olympics #HockeyIndia #tokyo #olympics2021 #olympicsinhindi pic.twitter.com/5daedJ8MGv
— Bhadohi Wallah (@Mithileshdhar) August 1, 2021
