ଭୁବନେଶ୍ୱର: ଜାପାନ ବର୍ତ୍ତମାନ ପରିବେଶ ସୁରକ୍ଷା ଦିଗରେ ଏକ ବଡ ପଦକ୍ଷେପ ନେବାକୁ ଯାଉଛି। ଜାପାନର ବୈଜ୍ଞାନିକମାନେ ନିକଟରେ ଘୋଷଣା କରିଛନ୍ତି ଯେ ଆସନ୍ତା ବର୍ଷ କାଠରେ ନିର୍ମିତ ଉପଗ୍ରହ ଉତକ୍ଷେପଣ କରିବାକୁ ଯାଉଛି। ଦୁନିଆରେ ଏହା ହେଉଛି ପ୍ରଥମ ପରୀକ୍ଷଣ । ବାସ୍ତବରେ, ଜାପାନରେ ବହୁତ କାଠ ଅଛି ତେଣୁ ଏହା ଉଚ୍ଚ ମହଲା କୋଠା ଏବଂ କାରରେ ନୂତନତ୍ୱ ପାଇଁ କାଠ ବ୍ୟବହାର କରିବାକୁ ଯାଉଛି ।
ଏହି କାଠ ଉପଗ୍ରହ ସଂପୂର୍ଣ୍ଣ ପରିବେଶ ଅନୁକୂଳ ହେବ । ଏହାକୁ ତିଆରି କରିବାର ମୂଲ୍ୟ ମଧ୍ୟ କମ୍ ହେବ । ଅପରେସନ୍ ସରିବା ପରେ ଉପଗ୍ରହ ପୃଥିବୀର ବାୟୁମଣ୍ଡଳରେ ପ୍ରବେଶ କରିବ ଏବଂ କାଠରେ ତିଆରି ହୋଇଥିବାରୁ ଏହା ସମ୍ପୂର୍ଣ୍ଣ ଜଳିଯିବ । ଏହାଦ୍ୱାରା ସ୍ପେସ୍ ରେ ଆବର୍ଜନା ମଧ୍ୟ ହ୍ରାସ ପାଇବ ।
ଜାପାନ ସରକାର ଠିକାଦାରମାନଙ୍କୁ ଯଥାସମ୍ଭବ କାଠ ବ୍ୟବହାର କରିବାକୁ ଉତ୍ସାହିତ କରୁଛନ୍ତି । କାଠ ବ୍ୟବହାରକୁ ପ୍ରୋତ୍ସାହିତ କରିବା ପାଇଁ ସରକାର ମଧ୍ୟ ଏକ ଆଇନ ପ୍ରଣୟନ କରିଥିଲେ। ଏହା ଅଧୀନରେ, ତିନି ମହଲା ଏବଂ ତଦୁର୍ଦ୍ଧ୍ୱ ସମସ୍ତ ଅଟ୍ଟାଳିକାରେ କାଠର ସର୍ବାଧିକ ବ୍ୟବହାର ବାଧ୍ୟତାମୂଳକ କରାଯାଇଛି ।
