ଭୁବନେଶ୍ୱର : ବିଶ୍ୱ ଟେଷ୍ଟ ଚାମ୍ପିଅନସିପ୍ (WTC) ର ଫାଇନାଲ୍ ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯାଉଛି। ଏହି ମ୍ୟାଚର ଚତୁର୍ଥ ଦିନ ବର୍ଷା ହେତୁ ଧୋଇ ହୋଇଗଲା କିନ୍ତୁ ପଞ୍ଚମ ଦିନର ଖେଳ ବର୍ତ୍ତମାନ ଆରମ୍ଭ ହୋଇଛି । ନ୍ୟୁଜିଲ୍ୟାଣ୍ଡ ୨ ୱିକେଟ୍ ହରାଇ ୧୦୧ ରନ୍ ସଂଗ୍ରହ କରିଥିବା ବେଳେ ଆଗକୁ ଖେଳ ଜାରିରଖିଛି । ଏହି ସମୟରେ ଷ୍ଟାର ବୋଲର ଜସପ୍ରୀତ ବୁମ୍ରା ପଞ୍ଚମ ଦିନର ପ୍ରଥମ ଓଭର ବୋଲିଂ କରିବାକୁ ଆସିଥିଲେ।
ଏହି ସମୟରେ ଜସପ୍ରୀତ ବୁମରା ଏକ ଭୁଲ କରିଥିଲେ। ଭୁଲରେ WTC ଫାଇନାଲ ଜର୍ସି ପିନ୍ଧିବା ପରିବର୍ତ୍ତେ ବୁମରା ଦଳର ପୁରୁଣା ଜର୍ସି ପିନ୍ଧି ପଡ଼ିଆକୁ ଚାଲିଆସିଥିଲେ । ବୁମରା ସମାନ ଜର୍ସି ସହିତ ଦିନର ପ୍ରଥମ ଓଭର ମଧ୍ୟ ବୋଲିଂ କରିଥିଲେ ଏବଂ ପରେ ସେ ଏହାକୁ ବଦଳାଇବା ପାଇଁ ଶୀଘ୍ର ପଡ଼ିଆ ବାହାରେ ଥିବ ଡ୍ରେସିଂ ରୁମକୁ ଦୌଡ଼ିଥିଲେ ।
ପୁରୁଣା ଜର୍ସିରେ ବୁମରାଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ବୁମରାଙ୍କର ଏହି ଭୁଲ ଯୋଗୁଁ ସେ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛନ୍ତି।
