ଭୁବନେଶ୍ୱର: ସ୍ୱର ସାମ୍ରାଜ୍ଞୀ ଭାରତ ରତ୍ନ ଲତା ମଙ୍ଗେଶକର ୯୨ ବର୍ଷ ବୟସରେ ଆମ ସମସ୍ତଙ୍କ ଠାରୁ ବିଦାୟ ନେଇଛନ୍ତି। ତାଙ୍କ ମୃତ୍ୟୁ ପରେ ବଲିଉଡ ସମେତ ସମଗ୍ର ଦେଶରେ ଶୋକର ଛାୟା ଖେଳିଯାଇଛି। ତାଙ୍କ ମୃତ୍ୟୁକୁ ସହଜରେ କେହିବି ଗ୍ରହଣ କରିପାରୁନାହାନ୍ତି । ପୂରା ଦେଶ ଏବେ ଲତାଙ୍କୁ ଝୁରୁଛି । କିନ୍ତୁ ଆପଣ ଜାଣନ୍ତି କି ଲତା ମଙ୍ଗେଶକର କେତେ କୋଟି ଟଙ୍କାର ମାଲିକ ଥିଲେ।
ଜାତୀୟ ଗଣମାଧ୍ୟମରେ ପ୍ରକାଶ ପାଇଥିବା ଏକ ଖବର ଅନୁଯାୟୀ, ଲତା ମଙ୍ଗେଶକରଙ୍କ ବିଳାସପୂର୍ଣ୍ଣ ବଙ୍ଗଳା ଅଛି । ଯାହାକି ଦକ୍ଷିଣ ମୁମ୍ବାଇର ପେଡର୍ ରୋଡରେ ଅବସ୍ଥିତ। ଏହି ବଙ୍ଗଳାର ନାମ ପ୍ରଭାସ କୁଞ୍ଜ ।
ଲତାଙ୍କର ମୋଟ ସମ୍ପତ୍ତି ପ୍ରାୟ ୩୭୦ କୋଟି ଟଙ୍କା। ଲତା ମଙ୍ଗେଶକର ବହୁ ବିଳାସପୂର୍ଣ୍ଣ କାର ମଧ୍ୟ ଅଛି । ଖବର ଅନୁଯାୟୀ ତାଙ୍କର ପ୍ରଥମ କାର ଥିଲା ଚେଭ୍ରୋଲେଟ୍। ସେ ଏହି କାର ତାଙ୍କ ମାଙ୍କ ପାଇଁ କିଣିଥିଲେ ।
ତେବେ ଜାନୁଆରୀ ୮ ରେ, ଲତା ମଙ୍ଗେଶକର କୋଭିଡ ପଜିଟିଭ୍ ବୋଲି ଜଣାପଡିଥିଲା। ପରେ ଲତାଙ୍କୁ ମୁମ୍ବାଇର ବ୍ରେକ୍ କ୍ୟାଣ୍ଡି ହସ୍ପିଟାଲରେ ଭର୍ତ୍ତି କରାଯାଇଥିଲା। ୨୯ ଦିନ ମୁମ୍ବାଇର ବ୍ରେକ୍ କ୍ୟାଣ୍ଡି ହସ୍ପିଟାଲରେ ରହିବା ପରେ ଫେବୃଆରୀ ୭ ତାରିଖ ରବିବାର ଦିନ ସକାଳେ ତାଙ୍କର ଦେହାନ୍ତ ହୋଇଥିଲା। ତାଙ୍କ ପାଇଁ ଦେଶରେ ୨ ଦିନ ରାଷ୍ଟ୍ରୀୟ ଶୋକ ଘୋଷଣା କରାଯିବା ସହ ତାଙ୍କ ମର ଶରୀରକୁ ରାଷ୍ଟ୍ରୀୟ ମର୍ଯ୍ୟଦା ସହ ଶେଷକୃତ୍ୟ କରାଯାଇଥିଲା ।
