ଛତିଶଗଡ : ବିଜାପୁରର କୁସୁମପାରାଠାରୁ ଉଦ୍ଧାର ହୋଇଛି ଯବାନଙ୍କ ମୃତଦେହ | ୩ ଦିନ ପୂର୍ବେ ଅପହରଣ କରିଥିଲେ ମାଓବାଦୀ | ଯବାନଙ୍କୁ ପ୍ରଜାକୋର୍ଟରେ ମୃତ୍ୟୁଦଣ୍ଡ ଦିଆଯାଇଥିବା ମାଓ ସଙ୍ଗଠନ ପକ୍ଷରୁ ସ୍ପଷ୍ଟ କରାଯାଇଛି |
ଛୁଟିରେ ଆସି ଗାଁ ନିକଟକୁ ମେଳା ଦେଖିବାକୁ ଯାଇ ଗତ ୨୧ ତାରିଖରୁ ମାଓବାଦୀଙ୍କ ଦ୍ୱାରା ଅପହୃତ ହୋଇଥିବା ପୋଲିସ୍ ଏସଆଇ ମୁରଲୀ ତାତି | ମୁରଲୀଙ୍କୁ ଫେରାଇ ଆଣିବା ପାଇଁ ସମସ୍ତ ରଣକୌଶଳ ରଚାଯାଇଥିଲା | ହେଲେ ୩ ଦିନ ପରେ ମୁରଲୀଙ୍କ ମୃତଦେହ ବିଜାପୁର କୁସୁମପାରାଠାରୁ ଆଜି ଉଦ୍ଧାର କରାଯାଇଛି | ଏସଆଇ ମୁରଲୀ ପୋଲିସ୍କୁ ମାଓବାଦୀଙ୍କ ଗତବିଧି ସମ୍ପର୍କରେ ସୂଚନା ଦେଉଥିବାରୁ ତାଙ୍କୁ ହତ୍ୟା କରାଯାଇଥିବା ମାଓ ସଙ୍ଗଠନ ପକ୍ଷରୁ ପ୍ରେସ୍ ନୋଟ ଜାରି କରାଯାଇଛି |
ଯବାନଙ୍କୁ ମୁକ୍ତି ନିମନ୍ତେ ଗତକାଲି ମୁରଲୀଙ୍କ ପତ୍ନୀ ମାଓବାଦୀଙ୍କୁ ଆକୁଳ ନିବେଦନ କରିଥିଲେ କିନ୍ତୁ ମୁରଲୀ ତାତିଙ୍କୁ ଫେରାଇ ଆଣିବା ପାଇଁ ସମସ୍ତ ରଣକୌଶଳ ଫେଲ୍ ମାରିଲା |
ମାଓବାଦୀ ଦମନ ପାଇଁ ପୁଲିସ୍ ପକ୍ଷରୁ ସ୍ୱତନ୍ତ୍ର ରଣନୀତି ପ୍ରସ୍ତୁତ କରାଯାଉଛି | କିଛି ଦିନ ପୂର୍ବେ ନକ୍ସଲ ଶିବିର ଉପରେ ଡ୍ରୋନରେ ବିସ୍ଫୋରଣ ହୋଇଥିଲା | ନକ୍ସଲମାନେ ଏଥିନିମନ୍ତେ ପୁଲିସ୍କୁ ଦାୟୀ କରିଥିଲେ |
