ନୂଆଦିଲ୍ଲୀ: ମାସ୍କ ପିନ୍ଧିବା, ସାମାଜିକ ଦୂରତା, ହ୍ୟାଣ୍ଡ ସାନିଟାଇଜରର ନିୟମିତ ବ୍ୟବହାର କରୋନା ଜୀବାଣୁ ପରି ମହାମାରୀକୁ ଏଡାଇବାକୁ ପରାମର୍ଶ ଦିଆଯାଇଛି। କିନ୍ତୁ ବର୍ତ୍ତମାନ ଏକ ଖରାପ ଅର୍ଥବ୍ୟବସ୍ଥାକୁ ସୁଧାରିବା ପାଇଁ ବାଧ୍ୟ ହୋଇ ଦେଶରେ କଟକଣା କୋହଳ କରାଯାଇଛି , ଲୋକମାନେ କରୋନା ବିପଦରୁ ବଞ୍ଚିବା ପାଇଁ ମାସ୍କକୁ ସେମାନଙ୍କର ଅତ୍ୟାବଶ୍ୟକ ଅସ୍ତ୍ର ଭାବରେ ବିବେଚନା କରୁଛନ୍ତି। ବିଶ୍ୱ ସ୍ୱାସ୍ଥ୍ୟ ସଂଗଠନ ଏକ ଭିଡିଓ ଜାରି କରି ଲୋକଙ୍କୁ ମାସ୍କ ପିନ୍ଧିବାବେଳେ କେଉଁ ସବୁ ଭୁଲ୍ କରୁଛନ୍ତି ତାହା ଜଣାଇଛନ୍ତି।
ଢିଲା ମାସ୍କ
ମାସ୍କ ପିନ୍ଧିବାବେଳେ ମନେରଖନ୍ତୁ ଯେ, ଜଣେ ବ୍ୟକ୍ତି ନିଜ ମାସ୍କକୁ ଆଉ କାହାକୁ ବ୍ୟବହାର କରିବାକୁ ଦିଅନ୍ତୁ ନାହିଁ। ମାସ୍କ ପିନ୍ଧିଲା ବେଳେ ଟାଇଟ ରହିବା ଦରକାର, ଯେମିତି କି ଉପର, ତଳ କିମ୍ବା କୌଣସି ଦିଗରୁ ଆପଣଙ୍କ ନାକ ଓ ପାଟିରେ ଯେମିତି ଜୀବାଣୁ ପ୍ରବେଶ କରିପାରିବ ନାହିଁ । ହେଲେ ଅନେକ ଲୋକ ଏମିତି ଅଛନ୍ତି ଯେଉଁମାନେକି ଢିଲା ମାସ୍କ ପିନ୍ଧୁଛନ୍ତି ।
ନାକ ତଳେ ମାସ୍କ ପିନ୍ଧିବା
ବ୍ୟକ୍ତି ନାକରୁ ନିଶ୍ୱାସ ଛାଡିଥାଏ । ତେଣୁ ମାସ୍କ ପିନ୍ଧିବାବେଳେ ମନେରଖନ୍ତୁ ଯେ ଆପଣଙ୍କର ନାକ ଏବଂ ପାଟି ଭଲଭାବେ ଆଚ୍ଛାଦିତ ହେବା ଉଚିତ୍। କିନ୍ତୁ ମାସ୍କ ପିନ୍ଧିବା ସମୟରେ ଅନେକ ଲୋକ ନାକ ବାହାର କରିଦିଅନ୍ତି , ଯାହା ଭୁଲ ଅଟେ ।
କଥା ହେବା ପାଇଁ ମାସ୍କ ବାହାର କରନ୍ତି
ଦେଖାଯାଏ ଯେ ଲୋକମାନେ ପରସ୍ପର ସହ କଥାବାର୍ତ୍ତା କରିବା ସମୟରେ ମୁହଁରୁ ମାସ୍କ ବାହାର କରିଦିଅନ୍ତି । ଯାହା କରୋନା ସଂକ୍ରମଣ ବିସ୍ତାର କରିବାରେ ସାହାଯ୍ୟ କରିଥାଏ । ଏହା କରିବା ଠାରୁ ମଧ୍ୟ ଦୂରେଇ ରୁହନ୍ତୁ ।
ମାସ୍କକୁ ବାରମ୍ବାର ଛୁଇଁବା
99 ପ୍ରତିଶତ ଲୋକ ଏହି ଭୁଲ୍ କରୁଥିବା ଦେଖାଯାଇଛି । ଲୋକମାନେ କିଛି ସମୟ ପାଇଁ ମାସ୍କ ପିନ୍ଧନ୍ତି ଏବଂ ବାହାର କରିଦିଅନ୍ତି ,ଯାହା କି ଏକ ଭୁଲ ଅଭ୍ୟାସ । ଏହା କରିବା ଦ୍ୱାରା ଆପଣ ମାସ୍କ ପିନ୍ଧିବାର ଉଦ୍ଦେଶ୍ୟ ପୂରଣ କରନ୍ତି ନାହିଁ ।
ମାସ୍କ ଅଦଳବଦଳ
ଏହି ଭୁଲକୁ ଗୋଟିଏ ପରିବାରରେ ରହୁଥିବା ସଦସ୍ୟମାନଙ୍କ କ୍ଷେତ୍ରରେ ଅଧିକ ଦେଖିବାକୁ ମିଳୁଛି । ସମାନ ପରିବାରର ସଦସ୍ୟମାନେ ବାହାରକୁ ଯିବାବେଳେ ପରସ୍ପର ସହିତ ମାସ୍କ ମଧ୍ୟ ବାଣ୍ଟୁଛନ୍ତି । ଯାହା ଏକ ଭୁଲ ଅଭ୍ୟାସ । ମନେରଖନ୍ତୁ ଯେ କରୋନା ଜୀବାଣୁଙ୍କର 50 ପ୍ରତିଶତରୁ ଅଧିକ କ୍ଷେତ୍ରରେ, ବ୍ୟକ୍ତି କରୋନା ଲକ୍ଷଣ ଦେଖା ଯାଏ ନାହିଁ , ଏହା ବାହାରୁ ସୁସ୍ଥ ଦେଖାଯାନ୍ତି । ଏପରି ପରିସ୍ଥିତିରେ, ମାସ୍କ ବଦଳାଇବା ଦ୍ୱାରା ଜୀବାଣୁ ବିସ୍ତାର ହେବାର ଅଧିକ ସମ୍ଭାବନା ରହିଛି ।
