ଭୁବନେଶ୍ୱର: ସୋମବାର ୟୁପି ବିଧାନସଭା ନିର୍ବାଚନ ଶେଷ ହେବା ପରେ ମଙ୍ଗଳବାର ସକାଳୁ ପେଟ୍ରୋଲ-ଡିଜେଲ ମୂଲ୍ୟ ବୃଦ୍ଧିପାଇବାର ସମ୍ଭାବନା ଅଛି ।
ଋଷ-ୟୁକ୍ରେନ ଯୁଦ୍ଧ ଫଳରେ ବିଶ୍ୱ ବଜାରରେ ଅଶୋଧିତ ତୈଳର ମୂଲ୍ୟ ୨୦୦୮ ପରଠାରୁ ସବୁଠାରୁ ମହଙ୍ଗା ହୋଇଛି ।ସୋମବାର ସକାଳେ, ବ୍ରେଣ୍ଟ ଅଶୋଧିତ (Brent crude) ବ୍ୟାରେଲ ପିଛା ୧୩୯ ଡଲାର ମୂଲ୍ୟ ଅତିକ୍ରମ କରିଛି, ଯାହାକି ଗୋଟିଏ ଦିନରେ ୧୦ ପ୍ରତିଶତରୁ ଅଧିକ ବୃଦ୍ଧି ପାଇଛି।
ହେଲେ ୫ ଟି ରାଜ୍ୟରେ ନିର୍ବାଚନକୁ ଦୃଷ୍ଟିରେ ରଖି ସରକାରଙ୍କ ଚାପରେ କମ୍ପାନୀଗୁଡିକ ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି କରି ନାହାଁନ୍ତି, ଯାହା ଚାରିମାସ ଧରି ସ୍ଥିର ରହିଛି। ହେଲେ କେତେକ କମ୍ପାନୀ ସେମାନଙ୍କର ମାର୍ଜିନ କ୍ଷତିପୂରଣ ଦେବାକୁ ସରକାରଙ୍କ ଉପରେ ଚାପ ପକାଉଛନ୍ତି। ଯଦି ସରକାର ଏକ୍ସାଇଜ୍ ଡ୍ୟୁଟି ହ୍ରାସ କରିବାକୁ ଘୋଷଣା କରନ୍ତି, ତେବେ ପେଟ୍ରୋଲ ଦର ୫ ଟଙ୍କା ବୃଦ୍ଧି ପାଇବ। ଯଦି କମ୍ପାନୀଗୁଡିକ ସେମାନଙ୍କର ମାର୍ଜିନକୁ ଧୀରେ ଧୀରେ ବୃଦ୍ଧି କରନ୍ତି, ତେବେ ଲିଟର ପିଛା ୧୦ ଟଙ୍କାରେ ପହଞ୍ଚିବ।
ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି ହେତୁ ମାଲ ପରିବହନ ପ୍ରଭାବିତ ହେବ ଏବଂ ପନିପରିବା ଏବଂ ଫଳ ସମେତ ଅନ୍ୟାନ୍ୟ ଖାଦ୍ୟ ସାମଗ୍ରୀ ମହଙ୍ଗା ହେବ । ଫଳରେ ମଧ୍ୟବିତ୍ତ ଓ ଗରିବ ଶ୍ରେଣୀର ଲୋକଙ୍କ ଉପରେ ଏହାର ପ୍ରଭାବ ଅଧିକ ପଡିବ ।
