ଛତିଶଗଡ : ପୁଣିଥରେ ଯବାନଙ୍କୁ ଅପହରଣ | ଯବାନଙ୍କୁ ମାଓବାଦୀ ଅପହରଣ କରିବା ନେଇ ବିଜାପୁର ଏସପିଙ୍କ ସୂଚନା |
ଯବାନଙ୍କୁ ଅପହରଣ କରିନେଲେ ମାଓବାଦୀ | ଯବାନ ଜଣଙ୍କ ହେଉଛନ୍ତି ଗଙ୍ଗାଲୁରୁ ଥାନା ଅନ୍ତର୍ଗତ ପାଲନା ଗାଁର ମୁରଲୀ ତାତି | ସେ ବସ୍ତର ଜବଲପୁରଠାରେ ଏଏସଆଇ ଭାବେ କାର୍ଯ୍ୟରତ ଥିଲେ | ନିଜ ଗାଁକୁ ଛୁଟି କାଟିବାକୁ ଆସିଥିଲେ | ମାଓବାଦୀ ଯବାନଙ୍କ ସନ୍ଧାନ ନେଇ ତାଙ୍କୁ ଉଠାଇନେଲେ |
କିଛିଦିନ ତଳେ ବିଜାପୁର ଜୁନାଗଡ ଜଙ୍ଗଲରେ ମାଓବାଦୀ ଓ ଯବାନଙ୍କ ମଧ୍ୟରେ ଗୁଳିବିନିମୟ ହୋଇଥିଲା | ଏଥିରେ ୨୨ ଜଣ ଯବାନ ସହିଦ ହୋଇଥିଲେ | ଆଉ ଏହି ସମୟରେ ଜଣେ ଯବାନଙ୍କୁ ମାଓବାଦୀମାନେ ଅପହରଣ କରି ନେଇଥିଲେ | ହେଲେ ପରେ ଯବାନ ରାକେଶ୍ୱର ସିଂଙ୍କୁ ଛାଡି ଦେଇଥିଲେ |
ଅନ୍ୟପଟେ ଛତିଶଗଡ ଦଣ୍ଡକାରଣ୍ୟ ସ୍ପେଶାଲ ଜୋନାଲ କମିଟିର ମୁଖପାତ୍ର ବିକଳ୍ପ ପ୍ରେସ ନୋଟ ଜାରି କରିଛନ୍ତି | ଆଉ ମାଓ ସିବିର ଉପରେ ଏୟାର ଷ୍ଟ୍ରାଇକ ହୋଇଥିବା କଥା କହିଛନ୍ତି | ଏହାସହ ଏୟାରଷ୍ଟ୍ରାଇକର ଭିଡିଓ ଓ ଫଟୋ ବି ଜାରି କରାଯାଇଛି | ୧୯ ଏପ୍ରିଲରେ ପୁଲିସ ଡ୍ରୋନ ମାଧ୍ୟମରେ ମାଓବାଦୀଙ୍କ ଉପରେ ୧୨ ବୋମା ଫିଙ୍ଗିଛନ୍ତି |
