ଭୁବନେଶ୍ୱର: ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ଏକ ଭିଡିଓ । ଏହି ଭିଡିଓରେ ଆପଣ ଦେଖିବାକୁ ପାଇବେ ଯେ, ଲୋକମାନେ ରାସ୍ତାରେ ପଡିଥିବା ମାଛକୁ କେମିତି ଲୁଟି ନେଉଛନ୍ତି ।
ଏହି ଭିଡିଓଟି ବିହାରର ଗୟା ଜିଲ୍ଲାର ଆମସ୍ ପୋଲିସ୍ ଷ୍ଟେସନ ଅଞ୍ଚଳର । କୁହାଯାଉଛି ଯେ ଶନିବାର ଦିନ ମାଛ ନେଇ ଯାଉଥିବା ଏକ ଟ୍ରକ୍ କୌଣସି ଏକ କାରଣରୁ ନିୟନ୍ତ୍ରଣ ହରାଇଥିଲା । ଫଳର ଟ୍ରକ୍ ପଛରେ ରଖାଯାଇଥିବା ମାଛ ଖସିପଡ଼ିବାରୁ ଲାଗୁଥିଲା ସତେ ଯେମିତି ରାସ୍ତାରେ ମାଛ ବର୍ଷା ହୋଇଛି ।
सड़क पर गिरी मछली, मच गई लूट#बिहार pic.twitter.com/ZleUZpDOp2
— Hari krishan (@ihari_krishan) May 28, 2022
ଆଉ ରାସ୍ତାରେ ମାଛକୁ ଏଣେତେଣେ ପଡିଥିବାର ଦେଖି, ଲୋକମାନେ ଲୁଟିବା ଆରମ୍ଭ କରିଦେଇଥିଲେ । କିଏ ବାଲ୍ଟିରେ ତ ଆଉ କିଏ ମାଛକୁ ଅଖା ଭିତରେ ଭର୍ତ୍ତି କରୁଥିବା ଦେଖିବାକୁ ମିଳିଥିଲା । ଏହି ଭିଡିଓ ହରି କ୍ରିଷ୍ଣ ନାମକ ଏକ ଟ୍ୱିଟର ଆକାଉଣ୍ଟରେ ସେୟାର କରାଯାଇଛି।
