ଇଣ୍ଟରନେଟ ବିନା କରିପାରିବେ UPI ପେମେଣ୍ଟ ! ଆରବିଆଇ ଲଞ୍ଚ କଲା ଦମଦାର ସର୍ଭିସ

ଭୁବନେଶ୍ୱର: ଗ୍ରାମାଞ୍ଚଳରେ ରହୁଥିବା ଲୋକଙ୍କୁ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ଏକ ବଡ ଉପହାର ଦେଇଛି। କେନ୍ଦ୍ରୀୟ ବ୍ୟାଙ୍କ ମଙ୍ଗଳବାର ଦିନ UPI 123pay ଲଞ୍ଚ କରିଛି। ଏହାର ସାହାଯ୍ୟରେ, ବର୍ତ୍ତମାନ ଫିଚର୍ସ ଫୋନ୍ ବ୍ୟବହାରକାରୀମାନେ ମଧ୍ୟ UPI ସାହାଯ୍ୟରେ ଦେୟ ଦେବାକୁ ସକ୍ଷମ ହେବେ । ଏଥିପାଇଁ ମୋବାଇଲରେ ଇଣ୍ଟରନେଟର କୌଣସି ଆବଶ୍ୟକତା ରହିବ ନାହିଁ । ଏହା ଦ୍ୱାରା ଦେଶର ୪୦ କୋଟି ଲୋକ ଉପକୃତ ହେବେ ।

ଏହି ଅବସରରେ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ କହିଛନ୍ତି ଯେ ବିଶେଷ କରି ଗ୍ରାମାଞ୍ଚଳର ଲୋକେ ବର୍ତ୍ତମାନ UPI ସେବା ପାଇପାରିବେ। ପାଖାପାଖି ୪୦୦ ନିୟୁତ ଫିଚର୍ସ ଫୋନ୍ ବ୍ୟବହାରକାରୀ ଦେଶର ପେମେଣ୍ଟ ସେବା ବ୍ୟବହାର କରିପାରିବେ।

ଡିଜିଟାଲ ପେମେଣ୍ଟ ପାଇଁ 24×7 ହେଲ୍ପଲାଇନ ଆରବିଆଇ ଗଭର୍ଣ୍ଣର ଡିଜି ସାଥି ମଧ୍ୟ ଲଞ୍ଚ କରିଛନ୍ତି। ଶକ୍ତିକାନ୍ତ ଦାସ କହିଛନ୍ତି ଯେ ଡିଜିଟାଲ୍ ପେମେଣ୍ଟ ପାଇଁ ଏକ ହେଲ୍ପଲାଇନ ମଧ୍ୟ ଆରମ୍ଭ କରାଯାଇଛି, ଯାହା ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ (NPCI) ଦ୍ୱାରା ପ୍ରସ୍ତୁତ ହୋଇଛି। ‘DijiSathi’ ନାମକ ଏହି ହେଲ୍ପଲାଇନ ୱେବସାଇଟ୍ – ‘dijisathi.com’ ଏବଂ ଫୋନ୍ ନମ୍ବର – ‘୧୪୪୩୧’ ଏବଂ ‘୧୮୦୦ ୮୯୧ ୩୩୩୩ ‘ ମାଧ୍ୟମରେ ଉପଲବ୍ଧ ହୋଇପାରିବ। ସମସ୍ୟାର ସମାଧାନ ପାଇଁ ଗ୍ରାହକମାନେ 24×7 ଖୋଲା ଥିବା ଏହି ହେଲ୍ପଲାଇନ ନମ୍ବରର ସାହାଯ୍ୟ ନେଇପାରିବେ ।