ଭୁବନେଶ୍ୱର: ଗୋଟିଏ ବର୍ଷ ମଧ୍ୟରେ ଏକ କ୍ଷୁଦ୍ର କ୍ୟାପ୍ ଚାଉଳ ମିଲ୍ କମ୍ପାନୀର ସେୟାର ନିବେଶକମାନଙ୍କୁ ଲକ୍ଷପତି କରିଦେଇଛି । ଗତ ଏକ ବର୍ଷରେ ଏହି ଷ୍ଟକ୍ ୩୪ ଟଙ୍କାରୁ ୭୮୨.୪୦ ଟଙ୍କାକୁ ବୃଦ୍ଧି ପାଇଛି । ଏହି ଷ୍ଟକ୍ ଏକ ବର୍ଷ ମଧ୍ୟରେ ଏହାର ଅଂଶୀଦାରମାନଙ୍କୁ ୨,୧୭୧.୭୮ ପ୍ରତିଶତ ରିଟର୍ନ ଦେଇଛି । ଯଦି ଜଣେ ନିବେଶକ ଏକ ବର୍ଷ ପୂର୍ବେ ଏହି ଷ୍ଟକ୍ ରେ ଏକ ଲକ୍ଷ ଟଙ୍କା ବିନିଯୋଗ କରିଥାନ୍ତେ, ତେବେ ଆଜି ତାଙ୍କୁ ୨୩ ଲକ୍ଷ ଟଙ୍କା ମିଳିଥାନ୍ତା ।
୧୦ ବର୍ଷ ମଧ୍ୟରେ, GRM ଓଭରସିଜ୍ ଷ୍ଟକ୍ (GRM Overseas share) ୧.୯୩ ରୁ ୭୮୨.୪୦ ଟଙ୍କା ସ୍ତରକୁ ବୃଦ୍ଧି ପାଇଛି । ଏହି ଷ୍ଟକ୍ ଏହି ସମୟ ମଧ୍ୟରେ ଏହାର ଅଂଶୀଦାରମାନଙ୍କୁ ପ୍ରାୟ ୪୦,୪୫୦ ପ୍ରତିଶତ ରିଟର୍ନ ଦେଇଛି । ଗତ ୫ ବର୍ଷ ମଧ୍ୟରେ, ଏହି ମଲ୍ଟିବ୍ୟାଗର୍ ପେନି ଷ୍ଟକ୍ ୪ .୪୯ ରୁ ୭୮୨.୪୦ ଟଙ୍କାକୁ ବୃଦ୍ଧି ପାଇଛି । ୫ ବର୍ଷର ଏହି ଅବଧିରେ, ଏହି ଷ୍ଟକ୍ ପ୍ରାୟ ୧୭,୩୨୫ ପ୍ରତିଶତ ବୃଦ୍ଧି ପାଇଛି । ଏହି ସପ୍ତାହ ପୂର୍ବରୁ, ଏହି ଷ୍ଟକ୍ ୮୫୬ ଟଙ୍କା ସ୍ତରରେ ପହଞ୍ଚିଥିଲା । ହେଲେ ଏବେ ଏହି ପେନି ଷ୍ଟକ୍ ୭୮୨.୪୦ ଟଙ୍କାରେ ରହିଛି ।
ଯଦି ଜଣେ ନିବେଶକ ୬ ମାସ ପୂର୍ବେ ଏହି ପେନ୍ ଷ୍ଟକ୍ ରେ ୧ ଲକ୍ଷ ଟଙ୍କା ବିନିଯୋଗ କରିଥାନ୍ତେ, ତା’ହେଲେ ତାଙ୍କର ୧ ଲକ୍ଷ ଆଜି ୫ ଲକ୍ଷ ଟଙ୍କା ହୋଇଥାନ୍ତା ।
