ଭୁବନେଶ୍ୱର: ୯ ଦିନ ପରେ ଅର୍ଥାତ ଜୁନ୍ ୧୫ ରେ,ରାଶି ପରିବର୍ତ୍ତନ କରି ମିଥୁନରେ ପ୍ରବେଶ କରିବାକୁ ଯାଉଛନ୍ତି ସୂର୍ଯ୍ୟ । ସୂର୍ଯ୍ୟଙ୍କ ରାଶି ପରିବର୍ତ୍ତନ କିଛି ଲୋକଙ୍କ ପାଇଁ ଭାଗ୍ୟଶାଳୀ ହୋଇପାରେ। ତେବେ କେଉଁ ରାଶି ମାନଙ୍କୁ ସୂର୍ଯ୍ୟ ଶୁଭ ଫଳାଫଳ ଦେବେ ଆସନ୍ତୁ ଜାଣିବା।
ବୃଷ: ସୂର୍ଯ୍ୟ ଗମନାଗମନ ବୃଷ ରାଶି ଧାରୀ ଲୋକଙ୍କୁ ଅନେକ ଲାଭ ଦେବେ । ଅନେକ ଦିନ ଧରି ଚାଲିଆସୁଥିବା ଆର୍ଥିକ ସମସ୍ୟାରୁ ମୁକ୍ତି ମିଳିବ । ନୂତନ ଚାକିରି ଅଫର ଆସିପାରେ । ଚାକିରିରେ ପରିବର୍ତ୍ତନ ତୁମର ପ୍ରଗତିର ଦ୍ୱାର ଖୋଲିବ। ବ୍ୟବସାୟୀମାନେ ମଧ୍ୟ ବେଶ ଉପକୃତ ହେବେ।
ସିଂହ: ସୂର୍ଯ୍ୟଙ୍କ ରାଶି ପରିବର୍ତ୍ତନର ଅଧିକ ପ୍ରଭାବ ସିଂହ ରାଶି ଉପରେ ପଡିବ । ଫଳରେ ସିଂହ ରାଶିର ଲୋକଙ୍କ ଆୟ ବୃଦ୍ଧି ପାଇପାରେ । ବ୍ୟବସାୟୀଙ୍କ ଲାଭ ବୃଦ୍ଧି ପାଇବ ।
କନ୍ୟା: ମିଥୁନରେ ସୂର୍ଯ୍ୟ ଭଗବାନଙ୍କ ପ୍ରବେଶ କନ୍ୟା ରାଶିର ଲୋକଙ୍କ କ୍ୟାରିୟର ପାଇଁ ଅତ୍ୟନ୍ତ ଶୁଭ ବୋଲି ପ୍ରମାଣିତ ହେବ । ପଦୋନ୍ନତି-ବୃଦ୍ଧି ପାଇବା ନେଇ ସମ୍ଭାବନା ରହିଛି । ତୁମର କାମ ଦେଖି ଲୋକମାନେ ତୁମକୁ ପ୍ରଶଂସା କରିବେ। ଉଚ୍ଚ ପଦାଧିକାରୀମାନେ କାର୍ଯ୍ୟକ୍ଷେତ୍ରରେ ସହଯୋଗ କରିବେ।
