ଭୁବନେଶ୍ୱର: ଦିନକୁ ଦିନ ଦେଶ ତଥା ରାଜ୍ୟରେ ଅପରାଧ ଓ ଅପରାଧୀଙ୍କ ସଂଖ୍ୟା ବଢ଼ିବାରେ ଲାଗିଛି ,ଯାହାକି ଚିନ୍ତାର ବିଷୟ । କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ କିଛି ଲୋକ ଏମିତି ଅଛନ୍ତି ଯେଉମାନେ କି ସେମାନଙ୍କ ଇଚ୍ଛା ପୂରଣ ପାଇଁ ଚୋରି କରୁଛନ୍ତି । ଏପରି ଏକ ମାମଲା ଉତ୍ତରପ୍ରଦେଶର ଗାଜିଆବାଦରୁ ଆସିଛି। ବାସ୍ତବରେ ଗାଜିଆବାଦ ପୋଲିସ ଏକ ଚୋରକୁ ଧରିଛି ଯାହାଙ୍କ ପିତା ଜଣେ କୋଟିପତି । ଚିନ୍ତାର ବିଷୟ ହେଉଛି ଯେ କୋଟିପତି ପିତାଙ୍କ ପୁଅକୁ କାହିଁକି ଚୋରି କରିବାକୁ ପଡିଲା ?
ଗିରଫ ହୋଇଥିବା ଅଭିଯୁକ୍ତ ଜଣକ ସିହାନି ଗାଁର ଗୌରବ। ଗାଜିଆବାଦ ପୋଲିସ ଅଭିଯୁକ୍ତକୁ ଗିରଫ କରିଛି। ଏହା ସହ ପୋଲିସ ସାତୋଟି ଚୋରି ବାଇକକୁ ମଧ୍ୟ ଉଦ୍ଧାର କରିଛି।
ପଚରାଉଚରା ବେଳେ ଗୌରବ କହିଥିଲେ ଯେ ତାଙ୍କ ପିତା ଜଣେ କୋଟିପତି। କେବଳ ଏତିକି ନୁହେଁ, ଟଙ୍କା ରୋଜଗାର କରିବା ପାଇଁ ଗୌରବ ଏକ କାରଖାନାରେ ପ୍ୟାକିଂ କାମ ମଧ୍ୟ କରନ୍ତି। ତେବେ ନିଶା ପାଇଁ ଅଭିଯୁକ୍ତ ଗାଡି ଚୋରି କରୁଥିଲେ। ଗାଡି ଚୋରି କରି ଗୌରବ ନିଜର ସମସ୍ତ ଇଚ୍ଛା ପୂରଣ କରୁଥିଲେ,ଯାହାକି ଚିନ୍ତାର ବିଷୟ ଥିଲା ।
