ନୂଆଦିଲ୍ଲୀ: ବଲିଉଡ ନିର୍ଦ୍ଦେଶକ ଓମ ରାଉତଙ୍କ ପରବର୍ତ୍ତୀ ଚଳଚ୍ଚିତ୍ର ‘ଆଦିପୁରୁଶ’ରେ ରାମ ଏବଂ ରାବଣଙ୍କ ଭୂମିକା ପରେ ଏହି ଚଳଚ୍ଚିତ୍ରର ମୁଖ୍ୟ ଅଭିନେତ୍ରୀଙ୍କ ସନ୍ଧାନ ଜାରି ରହିଛି । ଏହି ଚଳଚ୍ଚିତ୍ରରେ ଅଭିନେତା ତଥା ବାହୁବଳୀ ପ୍ରଭାସ ‘ରାମ’ ଭୂମିକାରେ ଏବଂ ସୈଫ ଅଲି ଖାନ ରାବଣ ଭୂମିକାରେ ନଜର ଆସିବେ ବୋଲି ଜଣାପଡିଛି । ତେବେ ଏହି ଚଳଚିତ୍ରରେ କିଏ ହେବ ସୀତା ସେନେଇ ଏବେ ଚର୍ଚ୍ଚା ଆରମ୍ଭ ହୋଇଯାଇଛି ।
‘ଆଦିପୁରୁଷ’ ହେଉଛି ଭାରତୀୟ ମହାକାବ୍ୟ ରାମାୟଣର ଏକ ରୂପାନ୍ତର , ଯାହା ମନ୍ଦ ଉପରେ ଭଲର ବିଜୟ ପ୍ରଦର୍ଶନ କରିବ । ନିର୍ଦ୍ଦେଶକ, ଓମ୍ ରାଉତଙ୍କ ମେଗା ବଜେଟ୍ ଚଳଚ୍ଚିତ୍ର ଆଦିପୁରୁଷଙ୍କ ବିଷୟରେ ଆଲୋଚନା କରି କହିଛନ୍ତି ଯେ , ସୀତାଙ୍କ ଭୂମିକା ପାଇଁ ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ପସନ୍ଦ ହୋଇ ରହିଛନ୍ତି, ଖୁବ୍ ଶୀଘ୍ର ଏହି ବିଷୟରେ ନିଷ୍ପତ୍ତି ନିଆଯାଇପାରେ ।
ରିପୋର୍ଟ ଅନୁଯାୟୀ, ଓମ୍ ଅନୁଷ୍କାଙ୍କୁ ଭେଟି ପୁରା ଫିଲ୍ମ ବିଷୟରେ ଆଲୋଚନା କରିଥିଲେ । ନିର୍ମାତାମାନେ ବିଶ୍ୱାସ କରନ୍ତି ଯେ ଅନୁଷ୍କାଙ୍କ ଫିଲ୍ମ ବିଷୟରେ ରାଜି ହେବା ପରେ ସେମାନେ ଶୁଟିଂ ତାରିଖ ଠିକ୍ କରିବେ । ଅନୁଷ୍କା ଗତ ୨ ବର୍ଷ ଧରି କୌଣସି ଫିଲ୍ମରେ ଦସ୍ତଖତ କରିନାହାଁନ୍ତି । ଅନୁଷ୍କା ଶର୍ମା ଶେଷ ଥର ପାଇଁ ଡିସେମ୍ବର ୨୦୧୮ ରେ ଫିଲ୍ମ ଜିରୋରେ ନଜର ଆସିଥିଲେ ।
ଆଦିପୁରୁଶ ଫିଲ୍ମ ହିନ୍ଦୀ ଏବଂ ତେଲୁଗୁ ଭାଷାରେ ସୁଟିଂ ହେବ । ଏହି 3D ଚଳଚ୍ଚିତ୍ରଟି ତାମିଲ, ମାଲାୟାଲମ୍, କନ୍ନଡ ଏବଂ ଅନେକ ବିଦେଶୀ ଭାଷାରେ ଡବିଂ କରି ଦେଶ ତଥା ବିଶ୍ୱରେ ମୁକ୍ତିଲାଭ କରିବ । ଏହି ଫିଲ୍ମ ୨୦୧୧ ରେ ସୁଟିଂ ହେବ ଏବଂ ୨୦୧୨ ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଏହି ଚଳଚ୍ଚିତ୍ରଟି ଟି-ସିରିଜ୍ ଦ୍ୱାରା ନିର୍ମିତ ହେଉଛି ।
