ସିଂହ ସହ ମଜା କରିବା ପଡିଲା ମହଙ୍ଗା, କାମୁଡି ଖାଇଗଲା ବ୍ୟକ୍ତିଙ୍କ ହାତ ଆଙ୍ଗୁଠି

ଭୁବନେଶ୍ୱର: ସୋସିଆଲ ମିଡିଆରେ ଏକ ଭିଡିଓ ଖୁବ ଭାଇରାଲ ହେଉଛି । ଭିଡିଓରେ, ଜଣେ ବ୍ୟକ୍ତି ଚିଡିଆଖାନା ଭିତରେ ଥିବା ସିଂହ ସହିତ ପାଗଳାମି କରୁଥିବାର ନଜର ଆସୁଛନ୍ତି।

ପିଞ୍ଜରା ଭିତରେ ଥିବା ସିଂହକୁ ବ୍ୟକ୍ତି ଜଣକ ହଇରାଣ ହରକତ କରୁଛନ୍ତି। ଫଳରେ ସିଂହ ରାଗିଯାଇ ବ୍ୟକ୍ତିଙ୍କର ଆଙ୍ଗୁଠିକୁ ଧରିପକାଏ । ଏହା ପରେ ବ୍ୟକ୍ତି ଜଣକ ଯଥାସମ୍ଭବ ସିଂହ ପାଟିରୁ ନିଜ ଆଙ୍ଗୁଠିକୁ କାଢ଼ିବାକୁ ଚେଷ୍ଟା କରୁଛନ୍ତି । ହେଲେ ସିଂହ ପାଟିରୁ ଆଙ୍ଗୁଠି କାଢ଼ିବା ବ୍ୟକ୍ତିଙ୍କ ପାଇଁ କାଠିକର ପାଠ ହେଉଛି । ଆଉ ସେଠାରେ ଉପସ୍ଥିତ ଥିବା ଲୋକେ ତାଙ୍କୁ ସାହାଯ୍ୟ କରିବା ବଦଳର ଏ ଘଟଣାକୁ ନିଜ ମୋବାଇଲେ ସୁଟ କରୁଥିବାର ଦେଖିବାକୁ ମିଳୁଛି।

Show off bring disgrace

The lion at Jamaica Zoo ripped his finger off. pic.twitter.com/Ae2FRQHunk

— Ms blunt from shi born ?? “PRJEFE” (@OneciaG) May 21, 2022

ଭିଡିଓ ଶେଷରେ, ଦେଖିବାକୁ ମିଳେ ଯେ ବହୁ ପରିଶ୍ରମ ପରେ ସେହି ବ୍ୟକ୍ତି ସିଂହର କବଳରୁ ମୁକ୍ତ ହୁଅନ୍ତି, କିନ୍ତୁ ସେତେବେଳକୁ ବହୁତ ଡେରି ହୋଇଯାଇଥାଏ। ସିଂହ ତାଙ୍କ ଡାହାଣ ହାତର ଗୋଟିଏ ଆଙ୍ଗୁଠିକୁ କାମୁଡି ଛିଣ୍ଡେଇ ଦିଏ । ସୋସିଆଲ ମିଡିଆରେ ଭାଇରଲ ହେଉଥିବା ଏହି ଭିଡିଓକୁ ୩.୩ ମିଲିୟନରୁ ଅଧିକ ଲୋକ ଦେଖି ସାରିଲଣି ।