ନୂଆଦିଲ୍ଲୀ: ଆମେରିକା ସମେତ ସମଗ୍ର ବିଶ୍ୱରେ ଜାତିଗତ ମାନସିକତା ବିରୋଧରେ ଚାଲିଥିବା ଗତିବିଧି ମଧ୍ୟରେ ୟୁନିଲିଭର କମ୍ପାନୀ ‘ଫେୟାର ଆଣ୍ଡ ଲଭଲି’ ର ନାମକୁ ପରିବର୍ତ୍ତନ କରିବାକୁ ଯାଉଛି। ୟୁନିଲିଭର କମ୍ପାନୀ କେବଳ ଫେୟାର ଏବଂ ଲଭଲି ବ୍ରାଣ୍ଡରୁ ଭାରତରେ ବାର୍ଷିକ ୫୦୦ ମିଲିୟନ ଡଲାରରୁ ଅଧିକ ବ୍ୟବସାୟ କରିଥାଏ । ସମଗ୍ର ବିଶ୍ୱରେ କୃଷ୍ଣକାୟଙ୍କ ପ୍ରତି ଭେଦଭାବକୁ ନେଇ ଦେଖା ଦେଇଥିବା ବିବାଦ ମଧ୍ୟରେ ଧଳା ରଙ୍ଗକୁ ପ୍ରୋତ୍ସାହିତ କରୁଥିବା କ୍ରିମ୍ ବିଷୟରେ ମଧ୍ୟ ପ୍ରଶ୍ନ ଉଠିଥିଲା । ଯାହାକୁ ଦୃଷ୍ଟିରେ ରଖି ଏଭଳି ନିଷ୍ପତି ନେଇଛି କମ୍ପାନୀ ।
ୟୁନିଲିଭର କମ୍ପାନୀ କହିଛି ଯେ ବ୍ରାଣ୍ଡର ପ୍ୟାକେଜିଂରୁ ଫେୟାର, ହ୍ୱାଇଟିଂ ଏବଂ ଲାଇଟିଙ୍ଗ ଭଳି ଶବ୍ଦକୁ ହଟାଇବ। ଏହା ସହିତ ସମସ୍ତ ରଙ୍ଗର ମହିଳାମାନଙ୍କୁ ବିଜ୍ଞାପନ ଏବଂ ପ୍ରୋତ୍ସାହନ ସାମଗ୍ରୀରେ ସ୍ଥାନ ଦିଆଯିବ । ଭାରତ ବ୍ୟତୀତ ଏହି କ୍ରିମ୍ ବାଂଲାଦେଶ, ଇଣ୍ଡୋନେସିଆ, ଥାଇଲ୍ୟାଣ୍ଡ, ପାକିସ୍ଥାନ ଏବଂ ଏସିଆର ଅନେକ ଦେଶରେ ବିକ୍ରି ହେଉଛି ।
ଯୁକ୍ତରାଷ୍ଟ୍ରରେ ଜର୍ଜ ଫ୍ଲଏଡଙ୍କ ମୃତ୍ୟୁ ପରଠାରୁ ସାରା ବିଶ୍ୱରେ ଜାତିଗତ ମାନସିକତା ଉପରେ ବିତର୍କ ଚାଲିଛି। ସବୁ ସ୍ଥାନରେ ‘ବ୍ଲାକ୍ ଲାଇଭସ୍ ମ୍ୟାଟର୍’ ଭଳି ଗତିବିଧି ଚାଲିଛି । ସେହି ସପ୍ତାହରେ, ଜନସନ ଆଣ୍ଡ ଜନସନ କମ୍ପାନୀ କହିଛନ୍ତି ଯେ ଏହା ଚର୍ମ ଧଳା ବ୍ୟବସାୟରୁ ବାହାରକୁ ଯାଉଛି। ଏଥିରେ ଭାରତରେ କ୍ଲିନ୍ ଆଣ୍ଡ୍ କ୍ଲିୟର ଫେୟାରାନ୍ସ ବ୍ରାଣ୍ଡ ଏବଂ ଏସିଆର ନିଉଟ୍ରୋଜେନା ଫାଇନ୍ ଫେରେନ୍ସ ଲାଇନ୍ ଭଳି ଉତ୍ପାଦ ମଧ୍ୟ ଅନ୍ତର୍ଭୁକ୍ତ ।
ୟୁନିଲିଭର ବିୟୁଟି ଆଣ୍ଡ ପର୍ସନାଲ କେୟାର ଡିଭିଜନର ସଭାପତି ସନ୍ନି ଜେନା କହିଛନ୍ତି, “ଆମେ ବୁଝିପାରୁଛୁ ଯେ ଫେୟାର, ହ୍ୱାଇଟ ଏବଂ ଲାଇଟ୍ ଭଳି ଶବ୍ଦ ସୌନ୍ଦର୍ଯ୍ୟ ଏକପାଖିଆ ସଂଜ୍ଞା ପ୍ରକାଶ କରେ ଯାହା କି ଠିକ୍ ନୁହେଁ। ଆମେ ଏହାକୁ ଉନ୍ନତ କରିବାକୁ ଚାହୁଁଛୁ ବୋଲି କହିଛନ୍ତି ।”
