ସିନେ ପ୍ରେମୀଙ୍କ ଚିନ୍ତା, କେବେ ଖୋଲିବ ହଲ?

ଭୁବନେଶ୍ୱର: ମହାମାରୀ କୋରନା  କବଳରେ ଏବେ ସାରାଦେଶ l  ଆଉ ଏହି ମହାମାରୀ ଠାରୁ ଲୋକଙ୍କ ଜୀବନକୁ ସୁରକ୍ଷା ଦେବାକୁ ଯାଇ  ୨୧ ଦିନ ପାଇଁ ସରକାର ଲକଡାଉନ ଘୋଷଣା କରିଛନ୍ତି l ଜରୁରୀକାଳୀନ ସେବା ଓ ଅତ୍ୟାବଶକ୍ୟ ସାମଗ୍ରୀ ଦୋକାନକୁ ଛାଡି ଦେଲେ  ସବୁଠି ତାଲା ଝୁଲୁଛି  l 

ହେଲେ କିଛି ସିନେ ପ୍ରେମୀ ରହିଛନ୍ତି ଯେଉଁମାନଂକୁ ଘାରିଛି କେବଳ ଗୋଟିଏ କଥା,  କେବେ ଖୋଲିବ ହଲ l କିଏ ନିଜ ବନ୍ଧୁ ସହ ତ ଆଉ କିଏ ନିଜ ପରିବାର ସଦସ୍ୟଙ୍କ ସହ ସିନେମା ହଲ ଯିବାକୁ ଚାହିଁ ବସିଛନ୍ତି l ମୋବାଇଲ କି ଟିଭିରେ ସେଇ ମୁଭି ଦେଖିଲେ ସେତେଟା ତାଙ୍କୁ ମଜ଼ା ଲାଗୁନି  l

ହଲରେ ଲାଗିଥିବା ବଡ଼ ପରଦା, ତା  ସାଙ୍ଗକୁ ଶରାଉଣ୍ଡିଙ୍ଗ ସାଉଣ୍ଡ  l ଯିଏ ଦେଖିଛି ଆଉ ଯିଏ ଶୁଣିଚି, ସେ ହିଁ କେବଳ  ଜାଣିଛି ହଲ ଆଉ ଘର ମଧ୍ୟରେ ଫରକ କଣ l ହଲ ଭିତରେ ଦର୍ଶକଙ୍କ ତାଳି ଆଉ ହୁଇସିଲ ମରାକୁ ଅନେକ ଲୋକ ଏବେ ଘରେ ବସିକି  ମିସ କରୁଛନ୍ତି l ଆଉ ସେମାନଙ୍କ ମନରେ ଉଙ୍କି ମାରୁଛି ସେଇ ଗୋଟିଏ ପ୍ରଶ୍ନ l

କେବେ ଖୋଲିବ ସିନେମା ହଲ l ହେଲେ ଏବେ ଯୁଗ ବଦଳି ଗଲାଣି ଲୋକେ ବିଭିନ୍ନ ଆପ  ମାଧ୍ୟମରେ ରିଲିଜ ହେଉଥିବା ନୂଆ ନୂଆ ମୁଭିକୁ ଘରେ ବସି  ଦେଖିପାରୁଛନ୍ତି l ହଁ, ଏଥିପାଇଁ ଆପଣଙ୍କର ନେଟ ପ୍ୟାକ ଥିବା ଜରୁରୀ  l ଯାହାଦ୍ୱାରା କି ଆପଣ ଘରେ ବସିକି ନୂଆ ନୂଆ ମୁଭି ଦେଖିବା ସାଙ୍ଗକୁ ଅନ୍ୟ ମାନଂକୁ ମଧ୍ୟ୍ୟ ମୁଭି ଲିଙ୍କ ସେୟାର କରିପାରିବେ l ହେଲେ ଏତେ ପରେ ବି ଲୋକଙ୍କ ମନରେ ସେଇ ଗୋଟିଏ ପ୍ରଶ୍ନ କେବେ ଲକ ଡାଉନ ଖୋଲିବ କେବେ ସ୍ୱାଭାବିକ ହେବ ଜୀବନ ଯାତ୍ରା l ସେଇ ସମୟକୁ ଚାଇଁ ବସିଛନ୍ତି ସଭିଏଁ l