ମୁମ୍ବାଇ: ବଲିଉଡ ଅଭିନେତା ସଲମାନ ଖାନ ପ୍ରତ୍ୟେକ ଥର ଇଦ୍ରେ ତାଙ୍କ ପ୍ରଶଂସକଙ୍କୁ ଭେଟି ଦେଇଥାନ୍ତି । କିନ୍ତୁ ଚଳିତ ବର୍ଷ କରୋନାଭାଇରସ୍ କାରଣରୁ ସମଗ୍ର ବିଶ୍ୱ ସଙ୍କଟରେ ପଡିଛି ଏବଂ ଭାରତରେ କରୋନା ମାମଲା କ୍ରମାଗତ ଭାବେ ବୃଦ୍ଧି ପାଉଛି। ଏହି ପରିପ୍ରେକ୍ଷୀରେ ଦେଶରେ ମେ ୩୧ ପର୍ଯ୍ୟନ୍ତ ଲକ ଡାଉନ୍ ଜାରି ରହିଛି। ଆଉ ଏସବୁ ମଧ୍ୟରେ ସଲମାନ ଫିଲ୍ମ ନୁହେଁ ବରଂ ଗୀତ ମାଧ୍ୟମରେ ପ୍ରଶଂସକମାନଙ୍କୁ ଇଦ୍ ଉପହାର ଦେଇଛନ୍ତି ।
ଇଦ୍ 2020 ରେ ମୁକ୍ତିଲାଭ କରିଛି ସଲମାନ ଖାନଙ୍କ ନୂଆ ଗୀତ ‘ଭାଇ ଭାଇ ‘ । ଏହି ଗୀତରେ ଅଭିନେତା ନିଜର ସ୍ୱର ଦେଇଛନ୍ତି । ଏହି ଗୀତକୁ ଏପର୍ଯ୍ୟନ୍ତ ୩୯ ଲକ୍ଷରୁ ଅଧିକ ଥର ଦେଖାଯାଇଛି ।
ସଲମାନ ଖାନଙ୍କ ଏହି ନୂତନ ଗୀତକୁ ପ୍ରଶଂସକମାନେ ବେଶ ଉପଭୋଗ କରୁଛନ୍ତି ଏବଂ ଲୋକମାନେ ଅଭିନେତାଙ୍କ ଗୀତକୁ ପ୍ରଶଂସା ମଧ୍ୟ କରୁଛନ୍ତି । ତେବେ ଲକଡାଉନ୍ ସମୟରେ ସଲମାନ ଖାନଙ୍କ ଦୁଇଟି ଗୀତ ମୁକ୍ତିଲାଭ କରିଛି। ଏଥିମଧ୍ୟରୁ ଗୋଟିଏ ହେଉଛି ‘ତେରେ ବିନା ‘ ଓ ଅନ୍ୟଟି ହେଉଛି ‘ଭାଇ ଭାଇ ‘।
