ଭୁବନେଶ୍ୱର: ସରପଞ୍ଚ ହେବ ତ ଏମିତି l କୋରନା ମହାମାରୀରେ ସରକାରଙ୍କର ସମସ୍ତ ନିର୍ଦେଶକୁ ମାନି ବାହାରୁ ଆସିଥିବା ପ୍ରବାସୀ ମାନଙ୍କୁ ଠିକ ଭାବରେ ସେବା ପ୍ରଦାନ କରି ସମ୍ମାନର ଶ୍ରେୟ ସାଉଁଟିଛନ୍ତି କେନ୍ଦ୍ରାପଡା ଜିଲ୍ଲା ଆଳି ବ୍ଲକ ଗୋବିନ୍ଦପୁର ପଞ୍ଚାୟତର ସରପଞ୍ଚ ପଦ୍ମାଳୟା ଧଳ ।
ଗୋବିନ୍ଦପୁର ଗୋଦାବରୀଶ ବିଦ୍ୟାପୀଠର ୩୯ ଅନ୍ତେବାସୀଙ୍କ ଭାବ ବିହ୍ବଳିତ ଘର ବାହୁଡାର ଖବର ପ୍ରସାରିତ ହେବା ପରେ ପ୍ରଶଂସା ଅଜାଡି ହୋଇପଡିଛି ସରପଞ୍ଚ ପଦ୍ମାଳୟା ଧଳଙ୍କ ଉପରେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ବିଟ କରି ସରପଞ୍ଚଙ୍କ କାର୍ଯ୍ୟକୁ ପ୍ରଶଂସା କରିଛନ୍ତି । କେନ୍ଦ୍ରାପଡା ଜିଲ୍ଲାପାଳ ସମର୍ଥ ବର୍ମା ପଦ୍ମାଳୟାଙ୍କ ସହିତ କଥା ହୋଇ କରୋନା ମୁକାବିଲାରେ ଉଲ୍ଲେଖନୀୟ କାର୍ଯ୍ୟ ପାଇଁ ମନଖୋଲା ପ୍ରଶଂସା କରିବା ସହିତ ଫାଇଭ ଟି ସଚିବ ଭିକେ ପାଣ୍ଡିୟାନ କଥା ହେବେ ବୋଲି କହିଥିଲେ ।
ଏହାପରେ ଭିକେ ପାଣ୍ଡିୟାନ ସରପଞ୍ଚ ପଦ୍ମାଳୟାଙ୍କ ସହିତ ୧୫ ମିନିଟ ଧରି ବାର୍ତ୍ତାଳାପରେ ସରପଞ୍ଚଙ୍କ ଦାୟିତ୍ୱ ଠିକ୍ ଭାବରେ ସମ୍ପାଦନ କରିଥିବାରୁ ତାଙ୍କୁ ପ୍ରଶଂସା କରିଥିଲେ । ନବୀନ ନିବାସ ଯିବା ନିମନ୍ତେ ପ୍ରସ୍ତାବ ଦେଇଥିଲେ ଭିକେ ପାଣ୍ଡିୟାନ । ସମୟ ମିଳିଲେ କେବେ ଗୋବିନ୍ଦପୁର ପଞ୍ଚାୟତ ଗସ୍ତ କରିବେ ବୋଲି ଶ୍ରୀ ପାଣ୍ଡିୟାନ କହିଥିଲେ ବୋଲି ପଦ୍ମାଳୟା ପ୍ରକାଶ କରିଛନ୍ତି । ଏହି ସରପଞ୍ଚଙ୍କ ପାଖରୁ ଅନ୍ୟମାନେ କିଛି ଶିଖିବା ଦରକାର ବୋଲି କହିଛନ୍ତି ସାଧାରଣ ଲୋକେ l
